« »
 
ANDENA 1, ANDENA 2, ANDREA, ANTELA 2.
[]« 1 andena » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 246a. http://ducange.enc.sorbonne.fr/ANDENA1
1. ANDENA. Magister Cornutus in Distichis MSS :
Stipes ut Andena sustentet deperit ardens.
◊ Ubi Glossa : Andena est ferrum, quo appodiantur ligna in foco, ut melius luceant, et melius comburantur, et est idem quod Repofocinium, et dicitur Andena, quasi ante vaporem, id est, calorem, etc. Papias : Andena, instrumentum ferreum foci. Auctor Breviloqui : Andela, vel Andena, est ferrum supra quod opponuntur ligna in igne, quod alio nomine dicitur hyperpyrgium. Catholicon Armoricum : Lander, Gall. Landier, Lat. Verutentum, item hæc Andena. Gloss. Saxon. Ælfrici : Andena, vel tripes, brandisen. Unde Teutonibus, Brand-iiser ; Anglis, a Brandiron ; nostris Landier, olim Andien, uti legitur in Instrum. ann. 1405. apud Rymer. tom. 8. pag. 384 :
Unam craticulam, unum fyrapanne, duo paria de Andens, unum fryngpanne ferreum.
Capitulare de Villis cap. 42. in Supellectili Villarum, recenset vasa ærea, plumbea, ferrea, lignea, Andedos, Andenas, cramaculos, etc. Nescio an huc pertineat, quod habent vett. Glossæ ; Landica, ἐσϰαράδιν. Certe ἐσϰάρα est focus, cui apponuntur andenæ.
Anderia, Idem videtur sonare, quod Andena, in Charta ann. 1308 :
De calderiis, Anderiis, patellis, aycharis, parroliis, cutellis, falciliis, sarpis, etc.
Ex Gall. Landier. Vide Anderius.
© École des chartes.
[]« 2 andena » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 246a. http://ducange.enc.sorbonne.fr/ANDENA2
2. ANDENA, Gallis Andain, tantum spatii, quantum quis divaricatis cruribus[] dimetiatur, ab Andare, Italico, ire. Liber Prioratus Dunstapl. cap. 5 :
In qualibet pola habet 4. polas, sive 8. Andenas jacentes simul.
Vocem Gallicam expressit Necrologium Ecclesiæ Carnotensis :
Quidquid idem Major habebat in pratis Capituli, quæ sunt apud Mentenon,... scilicet custodiam et margines, qui vulgo dicuntur Andeins.
les Bénédictins de St. Maur, 1733–1736.
Andellus, Endellus, Endens, Eadem notione, vel ut in schedis ad nos missis exponit D. Aubret, tantum spatii, quantum homo uno falcis ictu vel pulsu demetere valet et secare. Charta Thossiacensis in Dumbis recepta per Bonet notarium ann. 1448 :
Pratum continens plateam quindecim Endellorum vel Andellorum fœni.
Et in alia Charta ejusdem Archivi subsignata Rolet ann. 1404 :
Pratum continens duodecim Endens prati.
Rustici Dumbenses etiam nunc utuntur voce Endent, quasi herba dente falcis secaretur.
© École des chartes.
[]« Andrea » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 246c. http://ducange.enc.sorbonne.fr/ANDREA
ANDREA. Andena 2. Dief.
© École des chartes.
[]« 2 antela » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 295c. http://ducange.enc.sorbonne.fr/ANTELA2
2. ANTELA. Ut andena 1. Dief.
© École des chartes.