« »
 
ARMATA 1, ARMATA 2, ARMATA 3.
[]« 1 armata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 390b. http://ducange.enc.sorbonne.fr/ARMATA1
1. ARMATA, Exercitus, Gall. Armée, Itali ac Florentini præsertim Armata vocant classem, seu exercitum navalem. Ita Joan. Villaneus lib. 4. cap. 30. lib. 7. cap. 83. lib. 8. cap. 14. et alii passim, quamquam et interdum pro exercitu terrestri usurpant. Charta Rogerii Regis Sicil. pro Messanensibus, apud Bonfilium Constantium :
Facere teneatur Armatam per mare, vel per terram.
Infra :
Nullus civis Messanensis ad stolum et Armatam quamcumque regalem, etiam per mare, seu per terram ire cogatur invitus.
Occurrit in Charta Conventionis Imperatoris Græcorum et Communis Januensium ann. 1261. post Historiam nostram Gallo-Bizant. pag. 10. 11. Vide Meursium in Ἀρμάδα. Marten. tom. 1. Anecd. col 1502. tom. 3. col. 1950. etc.
P. Carpentier, 1766.
◊ Pro navali exercitu, in Charta Philippi reg. Franc. ex Bibl. reg. :
Ut Armata galearum per vos et alios vestros propinquos et amicos fit apud Januam,... cito acceleretur et veniat ad has partes,... rogantes quatinus ut prædictæ Armatæ apparatus celeriter fiant, et quod ipsa Armata cito inchoet navigare.
© École des chartes.
[]« 2 armata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 390b. http://ducange.enc.sorbonne.fr/ARMATA2
2. ARMATA, Armorum suppellex, idem quod Armatura 2. Vide in hac voce. Testam. Galeranni de Breuill ann. 1200. ex Chartul. B. M. de Josaphat :
Item lego domui S. Laurentii equum meum et omnes Armatas meas ad unam casulam faciendam.
© École des chartes.
[]« 3 armata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 390b. http://ducange.enc.sorbonne.fr/ARMATA3
3. ARMATA, Navis piraticæ instructio, vulgo Armement. Charta Alfonsi reg. Aragon. ann. 1288 :
Si aliquis pirata seu cursarius voluerit armare contra inimicos, etc. Volumus quod officialis noster non possit habere nec habeat partem in hujusmodi Armatis.
Vide supra Armare 4. et Armata 1, cur enim hic locus de una navi intelligatur non video. Classis piratica sæpius armada dicitur in Alphonsi reg. Cast. Partidis, in secunda tit. 26. leg. 29. et alibi. Item in Regum Aragon. præceptis de bellis piraticis, quæ videsis apud Pardessus. Collect. Leg. Marit. vol. 5. pag. 393. sqq. Pragmatica ann. 1288. ibid. pag. 349.
© École des chartes.