ARMIGATUS 1, Glossarium mediae et infimae latinitatis, Du Cange et al.

« 1 armigatus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 392c. http://ducange.enc.sorbonne.fr/ARMIGATUS1

1. ARMIGATUS. 2. Regum cap. 6. vers. 4 :

Et David percutiebat in organis Armigatis et saltabat totis viribus ante Dominum.

Ita quædam Editiones ex LXX. ἀνεϰρούετο ἐν ὀργάνοις ἡρμοσμένοις, quod aliæ vertunt, pulsabat in organis modulatis. Ad quem locum sic Hugo Cardinalis in Postillis : Gloss. id est, ad armum ligatis, dum manibus ferentis tanguntur. Aliud genus organi est, quod cum aqua fit, sicut quoddam etiam horologium, quod dicitur hydraulium. Gloss. Biblicæ MSS. Armigatis, adunatis, ab eo quod est ἀρμίγω, id est, aduno. Joannes de Janua, Willel. Brito in Vocabulario MS. Auctor Breviloqui et Glossarium MS. Montis S. Eligii Atrebat. : Dicuntur organa Armigata, ad armum, id est, humerum ligata : unde in organis armigatis, id est, ad humerum positis, vel, ut quidam dicunt, est genus organi, quod cum aqua fit. Papias legit ormizatus, ferro alligatus.

ARMIGAISIA 2. ARMIGATUS © École des chartes.

« 2 armigatus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 392c. http://ducange.enc.sorbonne.fr/ARMIGATUS2

2. ARMIGATUS, Insignibus Gentilitiis ornatus. Charta ann. 1392. ex Archivo S. Victoris Massil. :

Primo apparabunt duos pannos de lana, quorum unum erit altitudinis quatuor cannarum et longitudinis quatuordecim palmorum, Armigati armis dominis Abbatis. In quolibet dictorum pannorum erit unum magnum compasum, quod tenebunt duo leones.