ASSIGNAMENTUM 1, Glossarium mediae et infimae latinitatis, Du Cange et al.

« 1 assignamentum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 436b. http://ducange.enc.sorbonne.fr/ASSIGNAMENTUM1

1. ASSIGNAMENTUM, Assignatio, addictio, oppigneratio, constitutio cujusdam reditus vel census ex fundo percipiendi, Gall. veteribus, Assenement, Assene, nuperis, Assignation, Engagement. Charta Officialis domini Hugonis de Sarquex Archidiac. Remensis ann. 1241. in Tabulario S. Nicasii Remensis :

Pratum suum quod appellatur pratum Reton in Assignamentum et contravadium dictæ Ecclesiæ posuerunt.

Ibidem in Charta ann. 1256 :

Dicti venditores dederunt Ecclesiæ supradictæ in contravadium et Assignamentum quandam petiam vineæ.

Ibidem in Charta Capituli S. Timothei Remensis ann. 1255 :

Et ad faciendum Assignamentum nobis et Ecclesiæ nostræ.

In alia ejusdem Capituli ann. 1254 :

Et promiserunt se... legitimam portaturos garandiam super reassignationem et etiam Assignamento quæ ordinabunt.

Decretum Philippi Aug. de Judæis Spicil. Acher. tom. 6. pag. 247 :

Si aliquis Judœus... mutuo pecuniam tradiderit, pro debito suo accipiet Assignamentum a debitore hereditatis, tenementi, vel redditus.... Et si debitor violentiam fecerit de Assignamento usura curret quandiu durabit violentia post clamorem Judæi... et ex quo factum fuerit Assignamentum, non curret debitum nisi facta fuerit violentia.

Charta Danielis Bethuniæ Domini ann. 1219. pro Ecclesia S. Bartholomæi Bethun. in Tabulario ejusdem :

Excambium equevalentis redditus in decima vel in alio Assignamento libere potero rehabere.

Tabularium S. Medardi in Charta Curiæ Suession. ann. 1260 :

Ita quod cum dictis abbotis et Assignamentis erit vinea supradicta.

In alia Charta ejusdem Curiæ ann. 1270 :

Quod nec poterunt nec debebunt dictas domos sic oneratas dictis abboto et Assignamento vendere nec alienare sine licentia et consensu.

Charta Hugonis Castellani Gandensis apud Miræum tom. 1. Diplom. Belgic. pag. 423. col. 1 :

Et omni juri quod in dicto castro, villa, et eorum appenditiis quibuscumque, ut superius dictum est, habet et habere poterat ratione dotis suæ, seu Assignamenti sibi facti nomine dotis.

Charta Philippi Augusti Regis de venditione Braii a Castellano Peronæ anni 1210. apud Marten. tom. 1. Ampliss. Collect. col. 1097. C :

Præterea dedimus eidem propter hoc Bodiacum cum pertinentiis, et quicquid in eadem villa habebamus in Assignamentum cxx. librarum dictæ monetæ annui redditus, tenendum de nobis et heredibus nostris ab ipso et heredibus suis in perpetuum in feodum et hominagium ligium.

Vide tom. 3. novæ Gall. Christ. col. 123. B. inter Instrum. Baluzium tom. 2. Hist. Arvern. pag. 99. Lobinellum tom. 3. Hist. Paris. in Glossario, etc.

P. Carpentier, 1766.

◊ Assignance, eadem notione, in Charta ann. 1310. tom. 1. Probat. Hist. Britan. col. 978 :

Et cette baillée que nous avons faite, et Assignance..... de ccccxxx. livres, etc.

L. Henschel, 1840–1850.

◊ Assinamento Lusitanis. Charta Ferdinandi Reg. ann. 1372 :

Mando que nom valha o Assinamento do prestamo dessas herdades, o possissoens.

« 2 assignamentum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 436b. http://ducange.enc.sorbonne.fr/ASSIGNAMENTUM2

2. ASSIGNAMENTUM, Decretum, edictum.

Stat. Pistor. ann. 1107. apud Murator. tom. 4. Antiq. Ital. med. ævi col. 539. art. 27 :

Et statuimus, ut quidquid dictum est in sacramento potestatis, et omnibus statutis et Assignamentis de pœnis tollendis, de damnis dandis, etc.