B. litera est numeralis, quæ 300. designat, ut est in Notis numerorum ex antiquo Cod. et apud Ugutionem ; unde versus :

Scit B. tercentum sibi cognatum retinere.

Alii sic legunt :

Et B. trecentum per se retinere videtur.

Eidem litteræ si recta linea superaddatur, tria millia significat.

B.

In superscriptione cantilenæ, secundum literas, quibus adjungitur, ut bene, id est, multum extollatur, vel gravetur, sive teneatur, belgicat.

Ita Notkerus in Opusc. Quid singulæ literæ in superscriptione significent cantilenæ.

B. pro V. crebro occurrit in veteribus tabulis et inscriptionibus. Vetus Epitaph. in Ecclesiæ S. Matronæ atrio :

Hic requiescit in somno pacis Renobatus, qui vixit annos 23. depositus Kalend. Julias quater P. C. Basilisci V. C.

Versus, qui leguntur in Ecclesia S. Marcelli Capuæ :

Et dat Christo balvas abbas Alpherius albas,

Ut cœli regnum valeat penetrare supernum.

Ita in veteri Insc. abe, pro ave. In alia apud Scalig. de Emendat. temp. pag. 514. die Beneris, pro Veneris, abius pro avus, abiaticus pro aviaticus. Inscriptio tumuli apud Ughellum tom. 3. pag. 674 :

Christe, fabe votis Gregorio, etc.

Sic pariter passim veteres Scriptores Hispanici. Macarius Monachus in Vita S. Viti apud Martinezium in Hist. Pinnatensi lib. 1 :

Venatui cerborum aprorumque... deditus.

Infra :

Solito more ad fontem deribatur, etc.

B. interdum etiam legitur pro P. ut in Testamento anni circiter 690. apud Felibian. in Hist. Monasterii S. Dionysii pag. x :

Tantum superscribta villa Ghinnacario possedeat.

B. et P. seu Ph vel F inter se quamdam habent cognationem : nam pro se ponuntur, ut Ambo pro ἄμφω, Buxus pro πύξως, Triumphus pro θρύαμϐος, Puniceus pro φηνίϰηος, Purpureus pro πωρφύρηων, pro Birro pirrum, pro πώπλιϰος publicus. Gossar. vet. ex Cod. reg. 7613. Probrietas, in Ch. ann. 840. apud Murator. tom. 1. Antiq. Ital. med. ævi col. 503. Bergamena, pro Pergamena, ibid. col. 345. ex Ch. ann. 1029 :

Batibulum

, pro Patibulum. Vide infra in hac voce.

B. pro V. non semel occurrit. Bedatum pro Vedatum ; Bia pro Via, etc. quod Vasconibus præsertim familiare est, ut norunt omnes.

B pro C. non semel occurrit in Charta ex Tabular. Cenoman. Subcessores, pro successores, etc.

B Rotundum et B Quadratum S. Bernardo in Epistola seu prologo super Antiphonarium Ordinis Cisterciensis pag. 696. tom. 1. Edit. 1690. eadem sunt, quæ nobis in cantu vel musica B molle, B mol, et B quadratum, B quarre :

Unde in qualibet maneria, ubi molliorem expedit fieri sonum, loco B quadrati B rotundum quandoque ponitur.