BIBLIA 1, Glossarium mediae et infimae latinitatis, Du Cange et al.

« 1 biblia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 650a. http://ducange.enc.sorbonne.fr/BIBLIA1

1. BIBLIA, Machina bellica jaculatoria. Albericus in Chron. MS. ann. 1238 :

Adducens secum Bibliam, Petrariam, et cætera bellica instrumenta.

Chron. Leodiense laudatum ab Isaaco Pontano lib. 1. Orig. Francic. ann. 1313 :

Episcopus misit Leodium Mangonalia, seu fructibula, (fundibula) sive Tribuceta, vel Arietes, aut Sues, Vineas, Biblias, Petrarias, sive Cattos versatiles.

Vide Catellum in Hist. Occitan. pag. 599. Origines Constantinopol. MSS. part. 2 :

Ὁ μέγας Κωνσταντίνος ἔϰτισε τὰ μάγγανα, ὅπου ἐναπόϰείντο αἵ τε βίϐλοι, ϰαὶ τα πολεμιϰὰ ὄργανα.

Sed an bibliæ istæ intelligantur non ausim affirmare. Certe libros cum machinis bellicis eodem in loco depositos vix quis credat.

P. Carpentier, 1766.

◊ Nostris quoque Bible. Joinvil. in S. Ludov. edit. reg. pag. 122 :

Il (le comte d'Eu) qui moult estoit soutilz, fist une petite Bible que il getoit ens.

Le Roman de Claris ibid. in Glossar. :

Li rois fet ses engins drecier,

Et vers les haus murs charroier,

Bibles et Mangoniaux geter.

Biblieta, diminut. a Biblia. Hist. MS. Excidii Acconis ann. 1191 :

Secum ducens machinarum multitudinem fundibularium, sicut sunt Petrariæ, Biblietæ, Perdicetæ, et Mangonelli.

Martenius noster, qui hanc historiam edidit tom. 5. Ampliss. Collect. legit col. 769 :

Secum ducens machinarum multitudinem, fundibularium lapidum, sicut sunt Petrariæ, Biblictæ, Perdissetæ et Mangonelli ;

observatque in Cod. Navarr. haberi, Babictæ. Præstat Biblieta.

« 2 biblia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 650a. http://ducange.enc.sorbonne.fr/BIBLIA2

2. BIBLIA, æ, pro Biblia, orum, occurrit lib. 1. de Imitatione Christi cap. 1. n. 3. in Diario belli Hussitici apud Ludewig. Reliq. MSS. tom. 6. pag. 191. et in Spicil. Acher. tom. 8. pag. 577. ex Chronico Trivetti, ubi hæc notatu digna

leguntur ad annum 1228 :

Obiit Stephanus Cantuariensis Archiepiscopus. Hic super totam Bibliam postillas fecit, et eam per capitula, quibus nunc utuntur moderni, distinxit : qui dum Parisius in Theologia regeret, factus tituli Sancti Chrysogoni Presbyter Cardinalis, demum factus Archiepiscopus, inter alia bona quæ fecit, etc.