« »
 
CARMEN 1, CARMEN 2, CARMEN 3, CHARMEN.
[]« 1 carmen » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 174c. http://ducange.enc.sorbonne.fr/CARMEN1
1. CARMEN, Incantatio. Justinianus § 5. Instit. de Public. judic. (4, 18.) :
Venefici qui magicis susurris, seu Carminibus homines occidunt.
Virgilius Æn. lib. 4. vers. 487 :
Hæc se Carminibus promittit solvere mentes.
Carmina dira, in leg. 7. Cod. Th. (16, 10.) de Paganis. Vindicianus Medicus :
Gramine seu malis ægro præstare medelam,
Carmine seu potius, namque est res certa saluti
Carmen, ab occultis tribuens miracula rebus.
Decretum Tassilonis Ducis Bajwar. de popularibus legib. § 5 :
Ne forte Carminibus vel machinis diabolicis vel magicis artibus insidiantur.
Cæsarius Heisterb. lib. 1. cap. 34 :
Diabolum aliquando per Carmina vocare consuevi.
Aimoin. lib. 3. Hist. Franc. cap. 52 :
Rapi meretrices ad supplicia jubet, quæ se fatebantur Carminibus multos interemisse innocentes.
Vide Guill. Abbatem S. Theoderici in Vita S. Bernardi lib. 1. cap. 2. Miracula S. Wlfranni Episc. num. 28. etc. Plura ap. Grimm. Mythol. German. pag. 626. 627.
Carmina Diabolica, Quæ super mortuos nocturnis horis vulgus cantare solet, vetantur in Ratherii Veronensis Episcopi Epistola Synodica ad Presbyteros, et apud Reginonem cap. 71.
Carminare, Incantare, carminibus magicis irretire, Gall. Charmer. Gloss. Arabico-Lat. : Carmino, Canto. Papias : Carminare dicimus, vel inde dicitur, quod qui illa canerent, mente carere existimabantur. Qui malum Carmen incantavit, in legibus 12. Tab. apud Plin. lib. 18. cap. 2. Carmina incantare, dixit etiam Lampridius in Juliano. Marcellus Empiricus cap. 8 :
Ipso oculo clauso, qui Carminatus erit.
Et cap. 15 :
Glandulas mane Carminabis.
Hincmarus Remensis de Divort. Lotharii et Tetbergæ :
Quidam etiam vestibus carminatis induebantur, vel cooperiebantur.
Raymundus de Agiles in Hist. Hieros. :
Dum duæ mulieres petraviam unam de nostris fascinare vellent, lapis viriliter excussus, mulieres Carminantes cum tribus pueris allisit.
P. Carpentier, 1766.
◊ Qua arte potissimum usi sunt, et etiamnum utuntur in vulneribus sanandis ; quam infeliciter, docent sequentia. Lit. remiss. ann. 1387. in Reg. 131. Chartoph. reg. 142 :
Le suppliant fery ledit Nepveu un seul coup,..... et ledit coup Charmé de paroles seulement, sanz autre medecine ou garison, ledit Nepveu ala de vie à trespassement.
Aliæ ann. 1444. ex Reg. 176. ch. 233 :
Tous guerirent, excepté icellui Estienne, qui fit Charmer sa plaie qu'il avoit sur la teste sans autre remede y querir.
Denique aliæ ann. 1457. in Reg. 189. ch. 157 :
Lequel Anglois se fist, comme l'en dit, Charmer par un franc archier, etc. Charmegneresse,
Saga, in Lit. remiss. ann. 1402. ex Reg. 157. ch. 254 :
Ledit Henry appella ladite femme putain, larronnesse et Charmegneresse.
Vide infra Conjurium.
Incarminatrix, Saga, apud Galbertum[] in Vita Caroli Comit. Flandr. num. 165.
les Bénédictins de St. Maur, 1733–1736.
Carminalia Instrumenta, Quibus utuntur incantatores in suis artibus exercendis. Vita S. Bernardi auctore Alano inter illius opera tom. 2. col. 1237. edit. 1690 :
Cum adhuc puerulus gravi capitis dolore vexaretur, decidit in lectulum. Adducta autem ad eum est muliercula, quasi dolorem mitigatura carminibus : quam cum ille appropinquantem sentiret cum quibusdam Carminalibus Instrumentis, cum indignatione magna exclamans, a se repulit et abjecit.
les Bénédictins de St. Maur, 1733–1736.
Carminare, Canere carmen, commentare carmen, facere carmen. Gasparis Barthii Glossar. tom. 3. pag. 280. ex Fausto. Vide Laurentii Amaltheam. Pro Carmina facere apud Sidonium Ep. 1, 9. et 9, 15.
© École des chartes.
[]« 2 carmen » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 175a. http://ducange.enc.sorbonne.fr/CARMEN2
2. CARMEN, Canticum musicum, rythmus. Stat. ann. 1446. in Suppl. ad Miræum pag. 191. col. 2 :
Item insistere vel interesse probationibus Carminum vel motetorum, seu alterius cujuscumque, dum discuntur in choro tempore divini servitii, nemini liceat.
© École des chartes.
[]« 3 carmen » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 175a. http://ducange.enc.sorbonne.fr/CARMEN3
3. CARMEN, Plantæ species. Leudæ major. Carcass. MSS. :
Item pro cargua de Carmen, iij. sol. Turon.
Ubi versio Gallica ann. 1544 :
D'une charge de Carde, qui semble fenouil, etc.
© École des chartes.
[]« Charmen » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 290a. http://ducange.enc.sorbonne.fr/CHARMEN
CHARMEN, Charmenus, Carpinus, a Gall. Charme ; nostri vicissim a Lat. Carpinus, Charpe dixerunt. Lit. remiss. ann. 1481. in Reg. 207. Chartoph. reg. ch. 245 :
Les supplians sioient de leur bois, c'est assavoir des Charpes, autrement appellez charmes, etc.
Libert. villæ de Mailliaco ann. 1229. tom. 5. Ordinat. reg. Franc. pag. 718. art. 34 :
Constituimus eciam et concessimus, ut homines prædicti usum suum habeant in dicto bosco ad tremulum et Charmen et aceram.
Charta Thomæ comit. Pertic. ann. 1217. in Reg. forest. comitat. Alencon. Pertic. etc. ex Cam. Comput. Paris. fol. 50. r°. :
Confirmamus quod prior et monachi (de Bellismo) in prædicta foresta nostra percipiant pacifice et quiete..., omne genus mortui nemoris, præter Charmenum, et tremblium, et fraxinum.
Vide Charmus.
© École des chartes.