1. DISPOSITUM, Animi decretum, statutum, consilium, arbitrium. Dessein, intention, Disposition. Lex Wisigothorum lib. 6. tit. 5. § 16 :

Qui ex suo Disposito, vel malæ voluntatis affectu tale nefas committit.

Leo III. Epist. 6 :

In vestrum arbitrium et Dispositum committimus.

Et Epist. 10 :

De mansis, quos per vestrum Dispositum Herminus fidelis vester nobis reconsignavit.

Nicol. I. PP. Ep. 27 :

Veruntamen quoniam circa Missam S. Joannis, de quo diximus, Lotharium Dispositum habet denuo commonere, non moleste tulimus.

Ado Viennensis in Chron. ann. 727 :

Eo quod Carlomannus Dispositum haberet sæcularem militiam relinquere.

Julianus in Histor. Wambæ Regis :

Recognosco hoc Dispositum pugnæ ab æmulo meo procedere, hic ipse est, nec alius, puto ; in suis enim eum Dispositionibus recognosco.

Paulo ante :

Dispositum belli

. Diurnus Romanus cap. 6. tit. 19 :

Cujus exactionem per nostrum Dispositum fecisse dignoscitur,

id est, nostro mandato.

2. DISPOSITUM, pro Depositum, nisi ita legendum sit, habent Constitutiones Galteri Senonens. Archiep. ann. 923. cap. 2 :

Propter scandala gravia, quæ ex Monialium conversatione proveniunt ; statuimus de Monialibus nigris, ne aliquem Dispositum recipiant in domibus suis ab aliquibus personis, nisi de licentia Episcopi sui, maxime arcas Clericorum vel Laïcorum, custodiæ causa minime permittant apud se deponi.

3. DISPOSITUM, pro Expositione seu commentario. Testamentum Heccardi Comitis Augustodunensis :

Missale plenario cum Evangeliis et Epistolis, unum textum minorem, unum Dispositum super Evangelium majorem.

Ita Dispositio supra sumitur.

4. DISPOSITUM, Dispositio, Regula, Lex, Gall. Disposition, Regle, Ordonnance. Lambertus Abbas S. Rufi ann. circiter 1110. Epist. ad Clericos in Anecdotis Martenianis tom. 1. col. 332 :

Te cuncti in publico, te in agro rustici aratores ac vinitores quotidie graviter lacerabunt, si contra Dispositum fidei, cum feminis habitare contendis.