1. DIVISA, Divisio bonorum, quæ fit inter hæredes per testamentum : unde et ipsum testamentum Divisa dicitur. Vide Glanvillam lib. 7. cap. 7. et 8. ibidem Houard. ad cap. 5. Testamentum Henrici II. Regis Anglor. apud Gervas. Dorobern. ann. 1182 :

Notum facio, quod apud Waltham... feci Divisam meam de quadam parte pecuniæ meæ in hunc modum.

Vetus Charta apud Gariellum in Episcop. Magalon. pag. 89 :

In illa ægritudine positus, in qua testamentum et Divisionem suam fecit, etc.

Willharduinus n. 19 :

Sa maladie crut et efforça, tant que il fist sa Devise et son lais, et il départi son avoir, etc.

Adde n. 23. 82. MS. :

Quant li Dus a fait sa Dévise,

Et à ceus rendus leur servise,

Qui en sa Court l'ourent servi,

L'ame du cors se departi.

Chartular. S. Vandregisili tom. 1. fol. 157 :

Si comme le pomier qui est en la cour et les mesliers sont en Devise entre nous, et en partirons le fruit moitié à moitié... fu fet en l'an de grace m. cc. quatrevinz et chinc.

3. DIVISA, Terræ portio, sic dicta, quod sit suis limitibus divisa, definita, vel quod per divisam, seu testamentum, relicta sit portio hæreditaria. Leges Inæ Regis cap. 44 :

Ceorli habeant herbagium in Communi, vel aliam compascalem terram, vel Divisam claudendam.

Pactum Philippi Aug. et Henr. II. apud Radulfum de Diceto ann. 1180 :

Exceptis minutis feodis et Divisis terrarum nostrarum de Berri, si quid homines nostri quid inde interceperint.

Matth. Paris pag. 384 :

Istæ sunt terræ, quæ redduntur,... videlicet montana de Barrutha, cum terris et Divisis sibi pertinentibus.

Infra :

Cum omnibus eorum pertinentiis, cum terris, quæ sunt nominatæ in Divisis Hierusalem, etc.

Alia namque prædia pro indiviso, alia divisa possidebantur. Hinc crebro in Chartis :

Cultis et incultis, Divisis et indivisis,

apud Guichenonum in Biblioth. Sebus. pag. 185. 188. Sicul. Flaccus de Condit. agror. :

Divisi et assignati agri unius sunt conditionis : nam et Dividuntur sine assignatione, et redduntur sine Divisione. Dividuntur ergo agri limitibus institutis per centurias, assignantur viritim nominibus.

Philippus de Beaumanoir MS. cap. 1 :

Li Baillis s'il n'en a special commandement, ne pot mettre l'eritage de son Seigneur en jugement, ne fere bonnage, ne Devise de l'iretage son Seigneur vers autrui, ne vendre, n'engager, etc.

Si indivisorum divisio et exæquatio ab hæredibus postularetur, fiebat illa Regia auctoritate, ut colligitur ex Marculfo lib. 1. Form. 20. Idque

avoir Devise, requerre Devise à son voisin

, vocant Assisiæ Hierosolymitanæ cap. 237.

4. DIVISA, Divisæ, Fines, limites, metæ locorum et prædiorum. Leges Henrici I. Regis Angliæ cap. 57 :

Si inter compares vicinos utrimque sint querelæ, conveniant ad Divisas terrarum suarum.

Vide cap. 34. 91. Rogerus Hoved. ann. 1072 :

Cum cunctis rebus eidem pertinentibus in bosco et plano,... et omnibus rectis Divisis ejus.

Et mox :

Et per easdem Divisas, quibus ipse, sive ante eum Tostius vel Siwardus ipsum manerium tenuerunt.

Et ann. 1063 :

Idem Rex et Ludovicus Rex Francorum dissenserunt, propter quasdam rerum suarum Divisas.

Jacobus Græcus Syllanæus in Vita B. Joachimi Abb. Florensis cap. 3. Maii tom. 7. pag. 101 :

Venerabilis Abbas S. Mariæ de Curatio nuper Panormum venit, ostendit in curia nostra duo scripta de Divisis terrarum, quas eidem Monasterio concessimus.

Chartularium Gemeticense fol. 7 :

Et avons audit lieu auditoire, prisons, sets, carguan, fourches patibulaires au Mont S. Pol, qui est la Devise et separation de nostredite Baronnie Jumieges et Ducler.

Vide Monasticum Angl. tom. 1. pag. 7. 373. 858. et Fletam lib. 4. cap. 2. § 13. cap. 6. § 3.