1. FILERIA, Species trabis, qualis est illa, quæ portat canterios in ædificiis, Gall. Filiere. Extenta jurium quæ levantur a Comite Sabaudiæ apud S. Symphorianum de Auzone ann. 1309. in Hist. Dalph. tom. 1. pag. 98. col. 2 :

Item fustum quod vocatur Panna duodecim denarios. Item una duodena Fileriarum, unam quarum unus homo non posset portare, debet duodecim denarios. Item duodena Fileriarum, quarum unam unus homo posset portare, debet sex denarios.

Extractum computi ann. 1321. tom. 2. ejusdem Hist. pag. 159. col. 1 :

Libraverunt gabellatores in pretio triginta novem duodenarum Fileriarum magnarum, et duodecim duodenarum billonorum et traborum, etc.

Vide Fila 2.

2. FILERIA, Alia notione, apud Lobinellum tom. 2. Hist. Britan. tom. 2. col. 342 :

Paganus de Maidon dedit Monachis de Molereio quidquid habebat ultra cheminum Bernardi usque ad Fileriam de Daillé, etc.

f. Modus agri, vel Ager cannabe consitus.

3. FILERIA, Quæ filia ducit, ut supra Filatrix. Stat. Montis reg. pag. 275 :

Statutum est quod Fileriæ, quæ filant lanam, non faciant aliquam fraudem.