FORNICARIUS 1, Glossarium mediae et infimae latinitatis, Du Cange et al.

« 1 fornicarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 569b. http://ducange.enc.sorbonne.fr/FORNICARIUS1

1. FORNICARIUS, Qui meretricatur, vox Latinis vix cognita, tametsi Fornicariam meretricem vulgo dicant. Glossar. Gr. Lat. : Καταπορνεύω, Fornico. Alibi :

Πορνεύω, Fornicor, scortor. Πορνεῖον, Fornix, ganeum, lupanarium : πόρνη, Lupanar, scorta, meretrix, fornix.

Aliæ Gloss. apud Martinium : Fornex, πόρνη, ϰαμάρα. Sed de voce dubitat Martinius et de interpretatione ; nam et pro meretrice non Fornix, inquit, sed Fornicaria dicitur : nisi ut carcer pro inclusis, ita et Fornix pro impudica alicubi legatur. A fornicibus in quibus scorta prostabant, dicta fuisse Fornicarius et Fornicaria, etc. vulgo aiunt ; a πόρνη, Meretrix, potius derivari crediderim. Fragmentum Histor. tom. 1. Hist. Franc. pag. 782 :

Omni spurcitiæ deditus, Fornicarius, et illusor feminarum.

Fornicaria, in Gloss. Lat. Gr. : Πόρνη, ἀπὸ ϰαμάρας, ᾗ ἵστανται. Lex Longobardor. lib. 1. tit. 16. § 2. Rothar. 198. :

Si quis puellam aut mulierem liberam..... Fornicariam aut strigam clamaverit.

Fornicatio Inter Femora. Pœnitentiale Fulberti Carnotensis Episc. :

Si quis fornicatur inter Femora, semel 4. Quadragenis pœniteat.

les Bénédictins de St. Maur, 1733–1736.

◊ Notanda omnino est fornicationis pœna quam refert Th. Blount in Nomolex. Anglic. ex Charta ann. 4. Edwardi I. Reg. Angl. in Abbrev. Placit. pag. 267. rot. 7. in dorso. Sussex. :

Juratores dicunt quod prædictus Simon semper tenuit dictam Matildam ut uxorem suam, et dicunt quod nunquam dictam Matildam, matrem dictæ Agnetæ, desponsavit ; sed dicunt quod prædictus Simon aliquo tempore captus fuit per amicos prædictæ Matildæ in camera Fornicando cum ipsa Matilda per quod compellebatur unum de tribus facere, uxorem vel ipsam affidare, vel vitam suam amittere, vel ipsam Matildam retro osculare, ita quod ipse Simon ibidem dedit fidem suam prædictæ Matildæ.... quod ipsam desponsare debuit, sed ipsam nunquam alio modo desponsavit.

« 2 fornicarius » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 569b. http://ducange.enc.sorbonne.fr/FORNICARIUS2

2. FORNICARIUS, Ex fornicatione natus, spurius. Charta Phil. comit. Fland. ex Cam. Comput. Insul :

Quidquid homo dat filio suo Fornicario sine conditione, hoc post mortem ejusdem filii devenire potest in parentes matris pueri.