GARDEROBA 1, Glossarium mediae et infimae latinitatis, Du Cange et al.

« 1 garderoba » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 030c. http://ducange.enc.sorbonne.fr/GARDEROBA1

1. GARDEROBA, Guarderoba, Vestiarium, locus in quo asservantur vestes et robæ : Garderobe. Kero Monach. :

Vestiario Wahthuse,

ex Waten, vestire, ibidem, et huse, domus. Matth. Paris. ann. 1245 :

Apud Lugdunum quædam Domini Papæ Camera, quæ Conclave, id est, Guarderoba dicitur, cum omnibus, quæ in ipsa continebantur, combusta est.

Matth. Westmonaster. pag. 454 :

Cum adessent apud Westmonasterium..... admissuri singuli omnem ornatum militarem, præter equitaturam, de regia Garderoba. Confluentibus itaque trecentis juvenibus filiis Comitum, Baronum, et Militum, distribuebantur purpura, byssus, syndones, cyclades auro textæ effluentissime, prout cuique competebat.

Occurrit præterea in Concilio Nimociensi ann. 1298. cap. 4. et in Charta ann. 1328. apud Lobinell. tom. 3. Hist. Paris. pag. 391.

GARDERIUS 2. GARDEROBA © École des chartes.

« 2 garderoba » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 030c. http://ducange.enc.sorbonne.fr/GARDEROBA2

2. GARDEROBA, in Aula Anglicana, est locus Clericis tantum assignatus, qui in Francia Camera Clericorum appellatur, inquit auctor Fletæ lib. 2. cap. 14. § 1. in ea asservantur Chartæ regiæ, ipseque Thesaurus Regius. Regestum Constabulariæ Burdegal. ex Camera Comput. Paris. fol. 1 :

Rogerus de Northingham custos Garderobæ D. Regis (Angliæ) liberavit per manus Clerici sui... per mandatum ejusdem..... registra, monumenta et memoranda infra scripta Ducatum Vasconiæ tangentia, etc.

Fol. 148 :

Fet à remembrer que il façent enserchir les registres, et portent oueskes eux totes choses que touchent la Duchée, en totes ou en parties, et soient enquises cestes choses en tresorie, ou en Garderobe, ou ailleurs là où il porront estre trouvez, etc.

Adde fol. 159. 220. et Parliamentum de depositione Regis Ricardi II. cap. 31. Gull. Prynneum in Libertatibus Eccles. Anglic. tom. 3. pag. 570. et alibi.