1. LEGERE, Docere, profiteri, Gall. Enseigner, Professer. Beda in Epistola ad Egbertum :

Memini me hesterno dixisse anno, cum tecum aliquot diebus Legendi gratia in monasterio tuo demorarer, etc.

Bulla Gregorii X. PP. ann. 1272. pro Cisterciensibus Collegii S. Bernardi apud Lobinell. tom. 3. Histor. Paris. pag. 161 :

In prædicando publice, si fueritis requisiti, et Legendo ordinarie in Theologia... omnimoda utamini libertate.

Litteræ Humberti II. Dalphin. ann. 1345. tom. 2. Hist. Dalphin. pag. 520. col. 2 :

Item, in Consilio nostro Gratianopoli residente esse volumus Consiliarios infra scriptos, videlicet D. Guillelmum de Manso Legum Doctorem Cancellarium dicti Consilii, Legentemque in studio, etc.

Jacobus Gelu Archiep. Turon. in Vita sua, tom. 8. Anecd. Marten. col. 1947 :

Martii 29. ann. Dom. 1402. incœpi Legere ordinarium Parisiis in facultate Decretorum.

Vide supra Lector 3. Consul. Savin. Histor. Jur. Roman. med. temp. tom. 3. cap. 23. § 198. et cap. 25. § 221. not. e.

2. LEGERE, pro Colligere, sacco condere, in Comput. ann. 1488. inter Probat. tom. 4. Hist. Nem. pag. 47. col. 1 :

Item pariter solverunt Johanni du Vray, seu Jacobo Sobeyrani pro viginti quatuor sacis, emtis pro Legendo bladum dictæ caritatis et apportando ad molendinum pro molendo.

3. LEGERE, idem quod supra Legenda 1. Cerem. vet. Ms. eccl. Carnot. :

Sexto Calendas Martii ad matutinas lectio sexta de illo Legere, quod ita incipit : Post, etc.

Ibidem :

Legitur abreviatum Legere, etc.

Rursum infra :

Festum trium lectionum de proprio Legere.