◊ Ita et nostri Libéral, pro Libre, Qui libero solutoque animo est, sui compos. Lit. remiss. ann. 1410. in Reg. 165. Chartoph. reg. ch. 149 :

La suppliante doubtant que un sien ami ne la voulsist délaissier, se complaigny à une femme lors demourant en la ville de la Rochelle, qui se savoit entremettre et estoit experte en la science et art d'enchantemens, sortiléges et conjuremens de herbes, et lui pria qu'il lui pleust lui pourveoir ; laquelle femme lui respondi qu'elle lui bailleroit une telle herbe, que se elle en pouoit toucher son ami, il l'ameroit et seroit plus ardent de son amour qu'il n'avoit oncques esté et ne s'en pourroit départir sans le consentement de la suppliante : et de fait icelle femme lui bailla ledit jour de l'erbe, appellée prouvenche, toute conjurée,... et lui ordonna que sur icelle herbe elle deist premiérement et avant toute euvre certain nombre de patenostres et Ave Maria ; ce que fist la suppliante, et toucha son ami de ladite herbe ; lequel n'a point sceu, trouvé ne congneu que ladite herbe ait ouvré en sa personne : ains se sent et tient si Libéral de soy, qu'il n'a plus cure de la suppliante. Libéralement

vero, idem quod Sponte, libenter. Math. de Couciaco in Carolo VII. pag. 699 :

Lesquelles choses iceluy comte de Sainct-Paul ne faisoit pas bien Libéralement ny de bon cœur.

Lit. remiss. ann. 1450. in Reg. 185. ch. 31 :

Laquelle fille, qui avoit grant affection de s'en aler avecques lesdiz compaignons, s'en sortist Libérallement et sans contrainte hors de laditte chambre.