LISTA 1, Glossarium mediae et infimae latinitatis, Du Cange et al.

« 1 lista » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 121b. http://ducange.enc.sorbonne.fr/LISTA1

1. LISTA, Ora, limbus : Villaneo et Petrarchæ Lista. Vocis etymon ab Anglo-Saxonico List, et Listan, Fascia, limbus, margo, accersit Spelmannus. At in Gloss. Lat. Gr. occurrit, exponiturque, ἡ ἐπὶ τοῖς ἀριθμοῖς ϰαμπή. Γραμμή, Supplem. Antiquarii : Lista, γραμμἡ, Linea. Charta Benedicti VIII. PP. ann. 1023. in Bullario Casinensi tom. 1. pag. 7 :

Similiter et pluviale diasprum cum Listis auro textis.

S. Odilo Cluniac. Abbas Epist. 1. tom. 2. Spicilegii Acheriani :

De auro quod ad nos veniens secum detulit, duas Listas tabulæ majoris altaris, dextram videlicet et sinistram, quæ destructæ erant, sicut scitis, jam perfecit.

Chron. Casinense lib. 1. cap. 21 :

Tunicam item cum Lista aurea, et circulos aureos, et Listam auream margaritis insignitam.

Lib. 2. cap. 44 :

Planetam diapistim Listis aureis ornatam.

Adde lib. 3. cap. 19. lib. 4. cap. 13. 29. Constitutiones Frederici Regis Siciliæ cap. 97 :

Mulieres... possint uti vestimentis earum, quæ habent ad præsens... dummodo sint sine frisis, Listis de auro et perlis.

Utitur passim Anastasius et Guillelmus Biblioth. in Vitis PP. pag. 128. 129. 132. 134. 143. 144. 165. 184. 188. 198. 206. Edit. Reg. Ita etiamnum limbos pannorum vocant Germani, et Angli, Leisten, et Leists. Matth. Paris in Vitis Abbat. S. Albini :

Latitudo pannorum duæ ulnæ infra Listas.

Charta ann. 1213. apud Ughell. in Ital. Sacr. tom. 7. pag. 289 :

Cappam unam de examito rubeo, cum Lista de aurofriso.

Historia Cortusior. lib. 5. cap. 34 :

Dominabus Paduæ donavit multas Listas, histrionibus pulcras vestes, etc.

Adde lib. 10. cap. 9. Vitam S. Athanasii Episc. Neapolitani tom. 2. Muratorii part. 2. col. 1046. Ab hac voce nomen Listæ manet etiamnum, non modo pro lacinia, vel tænia aut vitta, sed etiam pro catalogo aut elencho, quod ejusmodi indices in pergameni aut chartæ laciniis longioribus perscribi soleant. Concil. Hispal. inter Hispanica tom. 4. pag. 14 :

Transmittant ad nos (Episcopos) seu nostros provisores quolibet anno, tempore quo transmittuntur Listæ, relationem de his (Clericis,) quos repererint commisisse nonnulla delicta.

Vide Scaligerum ad Catalecta pag. 260. et Vossium de Vitiis sermonis pag. 238.

les Bénédictins de St. Maur, 1733–1736.

Lista Terræ, Modus agri longior quam latior, in Charta Domini de Luriac in Foresio ann. 1417. Lista vineæ, in Charta Saviniac. ann. circiter 1000. ex Chartulario ejusdem loci fol. 101. Chartul. Celsinian. ch. 93 :

Cedo..... quatuor Listas de vinea et in monte Roio duas operatas de vinea.

Listatus, Limbo ornatus. Charta Joannis Archiep. Capuani ann. 1301. in Sanctuario Capuano pag. 262 :

Tobaleam unam de seta Listatam de auro.

Statuta Massil. lib. 2. cap. 39 :

Sine clamide et tunica Listatis per forsiam cum seta.

Occurrit in Inventario MS. ornamentorum Sacristiæ S. Victoris Massil. ex Archivo ejusd. Monasterii, in Synodo Pergam. ann. 1311. apud Murator. tom. 9. col. 547. in Annalibus Mediolan. ad ann. 1268. apud eumdem Murator. tom. 16. col. 670. in Testamento ann. 1367. tom. 1. Anecd. Marten. col. 1525. et alibi. Ameto pag. 41 :

Lenzuola sottilissime Listata di seta.

Chronic. Bertrandi Guesclini MS. :

Et boutent radement sur les escus Listez.

Alibi :

Et pendent à leur col maint fort escu Listé.

Alius Poeta Anonymus :

Lors ralie ses gens, et refait son conrois :

Le ban de Macidoine, qui fu Listé d'orfrois,

Fait devant lui porter, ainsi comme il est drois

La se ralioient Grieu et li Macidonois.

Listarum ejusmodi confectores Limbularios textores vocat Plautus in Aulularia.

L. Favre, 1883–1887.

◊

Sequebatur Saucia in equo cooperto de seta nigra Listata.

(Diar. Burchardi, ed. Thuasne, II, 279, an. 1497.)

P. Carpentier, 1766.

Listadus, ut Listatus, Limbo ornatus. Lit. ann. 1375. in Reg. 108. Chartoph. reg. ch. 68 :

Item... unam coopertam Listadam.

Hinc Deslitelé, dicitur de panno, cujus limbus resecatur seu inciditur in signum reprobati artificii. Stat. ann. 1399. tom. 8. Ordinat. reg. Franc. pag. 338. art. 20 :

Et autres draps, qui par l'eswart de ladicte ville seront coppez ou Deslitelez.

les Bénédictins de St. Maur, 1733–1736.

Listiatus, ut Listatus, in Testam. ann. 1518. apud Pirrum Siciliæ sacræ pag. 187.

Listæ, Campi in quo duellum peragebatur, repagula, sic dicta, quod campum et aream clauderent, et instar listarum panni essent. Henricus Knyghton ann. 1349 :

Venit dies prælii, et intraverunt Listas, vidente Rege Franciæ, etc.

Infra :

Ante ingressum in Listas, etc.

Idem :

Pugnavit infra Listas.

Walsinghamus de duelli apparatu :

Interim præparantur duello necessaria in curia apud Westmonasterium, limites videlicet, quas Listas vocant, de Lignis fortissime fabrefactis, tanquam perpetuo duraturæ.

Nostri Lisses vocabant, non listes ejusmodi repagula. Vide Licia.

Listella, diminutivum a Lista. Histor. Episc. Autisiodor. cap. 25 :

Aliud recentarium pens. lib. 1. et unc. 9. habet in medio Listellam et feras.

« 2 lista » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 121c. http://ducange.enc.sorbonne.fr/LISTA2

2. LISTA. Crustula. Dief.