1. NECESSARIA, Necessarium, Latrina, secessus. Descriptio Regionum Urbis Romæ edita a Mabillonio pag. 514 :

Posternæ 3. Necessariæ 4. fenestræ majores forinsecus 107. minores 66.

Infra :

Propugnacula cum porta Prænestina 302. Necess. 1. fenestræ major. forins. 80. etc.

Adde pag. 516. Lanfranc. in Decr. pro Ord. S. Bened. cap. 4 :

Unus eorum in dormitorio debet circumire lectos omnium, et omnia sedilia in Necessariis sollicite considerans, ne forte aliquis Frater dormiens ibi remanserit.

Liber Ordin. S. Victoris Parisiensis MS. cap. 22. de Novitio :

Debet autem ipse Magister diligenter instruxisse eum qualiter se discalceare debeat, vel cooperire, et Necessaria non nisi cooperto capite intrare.

Adde cap. 37. Hincmarus Opusc. 24 :

In mansione in qua degit, caminatum habet et Necessarium.

Passim Scriptores, Bertholdus Constantiensis ann. 1076. Udalricus lib. 2. Consuetud. Clun. cap. 5. 35. lib. 3. cap. 6. 89. Usus antiqui Ord. Cisterc. cap. 55. 72. 74. 77. 83. 108. Hugo Flaviniacensis in Chron. Vird. pag. 263. Regula Magistri cap. 30. etc. Loca Necessaria, apud Gregor. Tur. lib. 1. de Mirac. S. Martini cap. 37. Locus Necessariorum, in Chronico Afflegemensi cap. 15. Domus necessaria, in Statutis Ordinis de Sempringham pag. 732. et Ord. Præmonst. dist. 1. cap. 14. Chron. Laurishamense ann. 948 :

Dormitorium renovavit, ædificium Necessariorum prominens aptavit, etc.

Sic Χρείας, Græci usurpant pro latrinis : Χρεία enim sine adjectione interdum pro necessitate redditur. Glossæ Græco-Lat. : Χρείαι, ἐν αἷς ἀποπατοῦμεν. Apud Artemido. lib. 1. Onirocr. cap. 2 :

Καθιζειν εἰς χρείας. Desidere exonerandæ alvi gratia : ad Necessitatem corporis sui sedere

, in Lege Longob. lib. 1. tit. 16. § 5. Liutpr. 152. (6, 72.) Ad Necessitatem naturæ secedere, apud Lamb. Schafn. ann. 1076. Ad officia naturalia secedere, apud Aurel. Victorem in Caracalla. Etiamnum dicimus, Faire ses nécessitez. Palladius in Hist. Lausiaca cap. 28 :

Οὐϰ ἐξῆλθε ἐπὶ ἡμέρας τρεις δι᾽ αὐτὸν, οὐδὲ πρός τὴν ἰδίαν χρείαν.

Ado Viennensis in Chron. de Ario :

Divertens post forum Constantini ad causam necessariam, viscera ejus repente simul cum vita effusa sunt.

Gillebertus Episc. Londinensis in Cantica Canticor. cap. 2. n. 7. de eodem Ario :

Et cum Necessitate ad publica purgatoria pervenisset, etc.

Computum Stephani de la Fontaine, Argentarii Regii incip. 1. Jul. 1351 :

Pour les couvertures de cinq chaires, etc. et pour cinq Nécessaires enveloppées de cuir, et couvertes de drap par dessus.

In præcedenti Computo, selles Necessaires appellantur. Vide Calciarium. Sed et Necessaria vocant Statuta Mediolanensia part. 2. cap. 268. ipsa hominum excrementa :

De Necessariis in æstate non spatiandis,

id est, deportandis. Vide Gloss. med. Græcit. in voce Χρεία, col. 1759. et Ἀναγϰαῖα, col. 66.