OPTIO 1, Glossarium mediae et infimae latinitatis, Du Cange et al.

« 1 optio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 050b. http://ducange.enc.sorbonne.fr/OPTIO1

1. OPTIO, quid apud Latinos significet, notum ex Grammaticis, maxime ex Stewechio ad Vegetii lib. 2. cap. 7. apud quos proprie dicuntur electi milites,

honesti gradus, quasi adoptati in cohortes

, ut ex Varrone docet Nonius. Gloss. Ælfrici : Optiones, gecorenne cempan, i. delecti milites. Ordericus Vitalis lib. 8. pag. 687 :

Famosus Optio sic inter verba deficiens hominem exuit.

Ita sub finem ejusdem libri Tancredo Optionis nomen tribuit, et lib. 9. Famosi Optiones, pag. 720. Adde lib. 11. pag. 817. lib. 12. pag. 870. lib. 13. pag. 922.

Optiones, Militaris annonæ erogatores,

qui annonas militibus distribuebant, in Cod. Th. leg. 1. 24. de Erogat. milit. annonæ, (7, 4.) leg. ult. de Jure fisci, (10, 1.) leg. 22. de Divers. offic. (8, 7.) in Nov. 2. Majoriani, et Novella Justiniani 130. etc. Ita etiam Procopius lib. 2. Vandal. cap. 20. et lib. 1. cap. 17. non militaris duntaxat annonæ erogatores, sed et qui domesticorum sumptuum curam gerebant, Optiones dictos innuit :

ὃς οἱ ἐπεμελεῖτο τῆς περὶ τὴν οἰϰίαν δαπάνης, Ὀπτίωνα τοῦτον ϰαλοῦσιν Πωμαῖοι. Optio legionis,

in Vita MS. S. Theagenis. Vide Cujacium ad leg. 7. Cod. de Exact. tribut. (10, 19.) Alemannum ad Procopii Hist. Arcanam, Salmasium ad Spartianum, Jacobum Gotofred. add. leg. 1. et Glossar. med. Græcit. voce Ὀπτίων, col. 1050.

P. Carpentier, 1766.

◊ Optio, dispensator vel Præpositus militum, in vett. Gloss. inter schedas docti viri Schœpflini.

Optiones præterea dicuntur Carcerum custodes. Acta SS. Perpetuæ et Felicitatis :

Pudens miles Optio præpositus carceris. Optio carceris,

apud S. Ambrosium in Epistolam ad Ephesios cap. 4. S. Eulogius in Epist. ad Alvarum :

Cum me furibundo Optio præsidialis carceribus applicaret.

« 2 optio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 050c. http://ducange.enc.sorbonne.fr/OPTIO2

2. OPTIO, Jus regium in dolia vinaria, quæ Rotomagum advehuntur, cujus appellationis ratio aperta est ex Aresto ann. 1414. 12. Maii in vol. 11. arestor. parlam. Paris. :

Super acquitamento vinorum ibi affluentium duo modi seu duæ maneries, quorum seu quarum una consuetudo, et alia modiatio seu moisonna nuncupabantur.... Modiatio duo membra continebat, quia in ea modus quidam acquitandi vina per argentum seu pecuniam, bassa modiatio appellatus, et alius Optio nuncupatus, observabantur. Optio quoque hujuscemodi locum habebat,... quando in uno batello seu una navi xix. dolia seu peciæ vino plenæ ejusdem formæ seu essentiæ aut qualitatis existebant et ad unum solum mercatorem pertinebant,.... in dicto casu... nos ad causam dictæ Optionis, unam de dictis xix. peciis, quam nos vel officiarii nostri malebamus, optatis prius per mercatorem navis, duabus de dictis xix. peciis, habere debebamus.

Hinc Recevoir à Ops est Recipere ad nutum et voluntatem, in Charta ann. 1320. ex Reg. 60. Chartoph. reg. ch. 30 :

Recevant en nom et à Ops de nostre sire le roy, etc.

Ad opus regis. Vide Opus 5.