« »
 
PAGINA 1, PAGINA 2.
[]« 1 pagina » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 091b. http://ducange.enc.sorbonne.fr/PAGINA1
1. PAGINA, non tam modus agri, quam fundus, aut ager mensura sua definitus, nostris, Piece de terre. Innocentius Agrimensor :
Si (fundus) in monte fuerit constitutus, excogimus finem habere contra duas Paginas fundorum.
Tabularium S. Benigni ann. 849. apud Perardum pag. 48 :
Inprimis dedit... Teuboldus Episcopus (Lingonens.) de campo Paginam, de ratione S. Stephani in pago Oscarensi, in Patriciaco villa, etc. E. contra ad vicem in augmentum et commutationem reddendi, dedit præfatus Elderalis aliam Paginam in ipso pago, et in ipsa villa, etc... habet in longum perticas agripedales 45. pedes 6. etc.
Charta Karlomanni Regis ann. 881. apud eumdem Perardum pag. 880 :
Quod dederit... Paginam terræ ex rebus S. Aniani continentem[] in se azingas 2. et quartam partem unius jornalis, etc.
In alia Goffredi Comitis Andegav. ann. 1040. apud Sammarth. in Episc. Andegav. :
Altera similiter Pagina pratorum circiter arpennos decem, etc.
Tabular. S. Cyrici Nivern. n. 25 :
Dedit igitur isdem Rainaldus... ad opus S. Stephani Paginam terræ ex sua proprietate, quæ est in medio Condominæ S. Stephani, etc.
Tabul. Capellæ in Biturigib. :
In qua Pagina sunt mansiones, etc.
Tabular. S. Sulpicii Bituric. :
Dedit itaque præfatus Gunfindus Paginam de campo quæ est posita in pago Biturigo.
Vita S. Romani Abb. Jurensis cap. 1 :
A limite Rheni... usque Paginam Mausatis (Mosæ) extimum.
Hinc compaginantes agri, vel limites, apud Frontinum de Limitibus agrorum, qui invicem cohærent, vicini sunt. Vide Reinesii Inscript. pag. 12. Jura Abbat. Metloc. apud Hœfer. in Diar. Diplom. tom. 2. pag. 123 :
Faciunt Paginam suam circa prata, vineas, horrea.
Ubi forte certa servitia, in alia charta separatim scripta, intelligenda sunt. Vide Pago 1.
Pagena. Charta fundationis Corbeiensis Monasterii :
Et villam quæ vocatur Templum Martis, sitam in pago Ambianense, ad integrum, cum Pagena de silva de foreste nostra Windegonia.
Paginola, Paginula. Tabularium Ecclesiæ Viennensis f. 65 :
Habet et in alio fronte perticas 9. habet Paginole vinearum in eodem pago in villa Brociano etc.
Mox :
Habent Paginolæ supradictæ inter utrasque in uno fronte perticas 3. etc.
Tabular. S. Cyrici Nivern. ch. 25 :
Paginulam terræ, quæ vulgo olca vocatur.
Tabularium S. Benigni, in Charta Teutbaldi Episc. Lingon. ann. 841. :
Placuit atque convenit... ut Paginolas de terris tam de jure Ecclesiastico, quam de propria possessione inter se commutare deberent.
Et mox :
Una Paginola de terra, de ratione S. Benigni ex beneficio Andraldo, etc. alia Paginola in campo, etc.
Charta Hererici ann. 868. apud Marten. tom. 1. Ampliss. Collect. col. 189 :
Et curtiles ac vineas in diversis Paginulis, etc.
Pagella Terræ, seu vineæ, in Tabulario majori S. Sergii Andeg. cap. 254. Notitia vetus in Tabul. Eccl. S. Laudi Andeg. :
Pagella una et dimidia vinagii.
Charta Caroli C. ann. 861. in Append. ad Capit. n. 90 :
Simul etiam dixit nobis de quibusdam Pagellis quæ suæ sunt, etc.
© École des chartes.
[]« 2 pagina » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 091c. http://ducange.enc.sorbonne.fr/PAGINA2
2. PAGINA, Charta, instrumentum, diploma. Charta ann. 1230. tom. 1. Chartul. S. Vandreg. pag. 62 :
Et ne prædicta donatio aliquod impedimentum vel detrimentum amodo patiatur, præsentem Paginam coram omni parrochia S. Michaelis sigilli nostri munimine roboravi.
Privilegium Theod. apud Ludewig. tom. 1. Reliq. MSS. pag. 221 :
A nobis petiit presentem Paginam super premissis confectam nostri sigilli munimine roborari.
Occurrit ibid. pluries et alibi passim. Pagina testamentalis, in Chartul. Aptensi fol. 62.
les Bénédictins de St. Maur, 1733–1736.
Paginola, in Tabular. S. Vincentii Cenom. :
Et si sensus vester nobis contulerit claritatem hanc, Paginola donationis quæsumus vestro ut firmetur robore.
les Bénédictins de St. Maur, 1733–1736.
Pagina Cautionum, Cautionis chirographum. Pelagius II. PP. apud Behotium de Antiquo jure procurat. pag. 40 :
Illud magnitudinem tuam minime volumus ignorare quod Syracusanæ civitatis Episcopus inter alia quæ cautionum suarum Pagina spopondit, etc.
[]
les Bénédictins de St. Maur, 1733–1736.
Pagina Saxi, Lex Decalogi sculpta in tabulis lapideis. S. Paulinus Poem. 6. pag. 11 :
Vel quas ipse Deus leges interprete Mose
Condiderat, sacri quas servat Pagina saxi.
P. Carpentier, 1766.
Pagina Divalis, Edictum imperatoris. Vide supra Divalis.
P. Carpentier, 1766.
Pagina Exceptionis, Libellus, quo prædium aliquod ad usumfructum sub annuo censu datur aut accipitur. Vide supra Exceptio 1.
les Bénédictins de St. Maur, 1733–1736.
Pagina, nude, Codex. Agnellus in Vita S. Felicis apud Murator. tom. 2. pag. 164 :
Igitur beatissimus hic Felix post aditam ecclesiam multas Reliquias condidit, et Paginas ex argento extruxit ;
hoc est, ni fallor, codices argenteis laminis ornavit.
les Bénédictins de St. Maur, 1733–1736.
Paginæ, Folia lusoria, ni fallor. Ludus ad Paginas, nostris Jeu de cartes. Statuta ann. 1337. ex Tabular. S. Vict. Massil. :
Quod nulla persona audeat nec præsumat ludere ad taxillos, nec ad Paginas, (nec) ad eyssuchum.
F. eyssachum, Echets. Vide Ludus de Rege.
© École des chartes.