PAPIRUS 1, Glossarium mediae et infimae latinitatis, Du Cange et al.

« 1 papirus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 146b. http://ducange.enc.sorbonne.fr/PAPIRUS1

1. PAPIRUS, Papyrus, Breviarium actorum et agendorum, index, recensio. Charta ann. 1336. tom. 2. Hist. Dalphin. pag. 319 :

Volentes ulterius, quod præfati Consiliarii...... Papirum habeant quam unus fidelis notarius eligendus per ipsos Consiliarios custodiat, et in quo singula per ipsos facienda per ipsum notarium conscribantur..... quodque singulis duobus mensibus semel procurator noster cujuslibet Baylliviæ ipsam Papirum dicto sigillo Consilii sigillatam, ad nostram præsentiam, vel nostrum magnum Consilium studeat aportare, peracta, gesta et expedita per eos illis duobus mensibus refferendo.

Ordinat. domus Dalphin. ann. 1340. ibid. pag. 392 :

Faciant.... de omnibus paramentis, libris, jocalibus et rebus nunc existentibus in eadem (capella) et de hiis quæ erunt in illa processu temporis, successive singulis terminis inventarium et Papirum unum.

Statuta Monast. S. Claudii auctoritate Nicolai V. PP. pag. 87 :

Quodque de emolumentis dictæ sacristiæ S. Claudii fiat una Papyrus in qua de verbo ad verbum scribantur litteræ hujusmodi,..... insuper quod fiat alia Papyrus in qua per modum inventarii scribantur lilteræ præscriptæ.

PAPIROTUM 2. PAPIRUS © École des chartes.

« 2 papirus » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 146b. http://ducange.enc.sorbonne.fr/PAPIRUS2

2. PAPIRUS. Gall. Papier :

In dicta custodia Corpus Christi involutum erat in grosso Papiro aliqualiter maculato.

(Chevalier, Visit. episcop. Gratianop. p. 59.)

1. PAPIRUS PAPISCI © École des chartes.

« Papyrus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 146c. http://ducange.enc.sorbonne.fr/PAPYRUS1

PAPYRUS, Planta nascens in palustribus Ægypti, aut quiescentibus Nili aquis, ex cujus libro texebantur vela, tegetes, vestes, ac funes, ut docent Theophrastus lib. 4. Hist. plant. cap. 9. et Plinius lib. 13. cap. 11. Hinc non semel storeas Monachorum, et mattas ex papyro confectas legimus. Regula Solitariorum cap. 47 :

Habui etiam lectos ex auro vestitos et pretiosissima stramenta : et pro his dedit mihi Deus stramentum hoc de Papyro, et hanc pellem.

Petrus Damiani in Vita S. Romualdi n. 38 :

Ipse in storea de Papyro confecta, tenera delicati corporis membra terebat.

Idem lib. 1. Epist. 19 :

Papyrinæ storeæ stramenta

. Et lib. 6. Epist. 30 :

In eremo stratum molle juncus est, vel Papyrus.

Apud Marcellum Empiric. lib. de Medicam. cap. 10 :

Linum vel Papyrus ligata, etc.

Cap. 34 :

Lanugo de Papyro

. Denique

Tertullianus sive Cyprianus ad Senatorem :

....... Caligaque remota,

Gallica sit pedibus molli redimita Papyro.

Sed hæc nota. Vide Salmasium ad Solinum pag. 1003. et Melch. Guillandin. de Papyro.

◊ Præterea papyrum in lucernis et cereis adhibitam non semel observare est vice ellychnii. Johan. de Janua :

Dicitur Papyrus, quasi parans pyr, i. ignem, eo quod in cereis et lampadibus ponitur ad ardendum.

Idem :

Dicuntur funalia licinii a funibus, inter ceram, quos ante usum Papyri cera circumdatos habuere majores.

Gregorius Turon. de Vitis Patrum cap. 8 :

In quo (cicindeli) nec Papyrus addita, nec olei gutta stillantis adjecta, etc.

Marcellus Emp. cap. 8. pag. 70 :

Lucernam fictilem de Papyro et medulla vaccina concinnato.

Paulinus Natali 3 :

Clara coronantur densis altaria lychnis,

Lumina ceratis adolentur odora Papyris.

Idem Nat. 7 :

Interea meus iste choro digressus amico,

Ut spirante foris auræ depelleret æstum,

Quam famosa dabat ceratis cella Papyris.

Drepanius de Cereo Paschali :

Æquoream cohibet formatrix cera Papyrum,

Cera domus mellis, etc.

Gregorius M. lib. 1. Dialog. cap. 5 :

Omnes lampades Ecclesiæ implevit aqua, atque ex more in medio Papyrum posuit.

Fortunatus lib. 2. Vitæ S. Hilarii sub finem :

Quantum fuit cerei longitudo, cera jacens inventa est, Papyro consumpta, etc.

Althelmus de Laude Virg. cap. 21 :

Papyrus in medio radiabat lumine centro.

Bombacina papyrus in candelis, in Constitut. Sicul. lib. 3. tit. 36. § 1. Papyrus candelarum, apud veterem interpretem Juvenal. sat. 3. v. 287. et Vegetium lib. 2. Artis veterin. cap. 57. Serapion :

Est alius Papyrus, quem Latini vocant papirum, vel charta silago, qua utuntur Sacerdotes pro vivificando lumina in Ecclesiis.

Papyriones, Loci, ubi crescunt papyri, Mamotrecto ad 2. Exod. Chartarii loci, Apuleio lib. de Virtutib. herbar. cap. 1. Bernhardi de Breydenbach Iter Hieros. pag. 218 :

Tandem descendente filia Pharaonis ut lavaretur in flumine, gradientibus secum puellis per crepidinem alvei in vistella cirpea fuit inventus in Papyrione.