PIETAS 1, Glossarium mediae et infimae latinitatis, Du Cange et al.

« 1 pietas » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 315c. http://ducange.enc.sorbonne.fr/PIETAS1

1. PIETAS, Miseratio, misericordia, ex Call. Pitié. Glossator Historiæ Scholasticæ Petri Comestoris cap. 50. Act. Apostol. : Pietas æquivocum est ad cultum Dei, et ad compassionem proximi. Vita S. Stephani Abb. Obasin. lib. 2. cap. 16 :

Cum ad placitum veniret, videretque omnes suæ parti favere, adversarium vero undique et ab omnibus destitutum, Pietate ductus, aliquos e suis placitoribus clam dirigebat, qui ejus partes defenderent.

Galfridus Monemuthensis, lib. 2. cap. 5 :

Maximamque partem sine Pietate trucidarunt.

Lib. 7. cap. 3 :

Quos sine Pietate laceratos coegit in patriam remeare.

Chronic. Episcop. Metensium :

Pietate ipsorum ductus

. Mox :

Quem suorum movebat Pietas.

Vide Salmasium ad Capitolinum pag. 249.

P. Carpentier, 1766.

◊ Pitié, idem quod Aumône, in Testam. ann. 1366. inter Probat. Hist. Sabol. pag. 384 :

Laquelle chappellenie nous avons donnée en Pitié et en aumosne à nostre bien amé chappellin, monsieur Gilles Gaulier prestre.

PIETANSTRA 2. PIETAS © École des chartes.

« 2 pietas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 315c. http://ducange.enc.sorbonne.fr/PIETAS2

2. PIETAS, Imago Deiparæ mortuum filium gremio tenens. Ita Bollandistæ tom. 2. Junii pag. 498. ubi de S. Rosselina

Unum calicem, tabulam depictam in qua est Pietas, unam capam floridam et capellam rubeam.

Nostris Notre Dame de Pitié.

les Bénédictins de St. Maur, 1733–1736.

Pietas, Titulus honorarius quo utitur Lambertus Comes et Abbas S. Albini in Charta ex Tabul. ejusdem Mon. :

Ego Lambertus divina annuente clementia Congregationis S. Albini... Rector. Notum siquidem fieri exopto... quod adierint clementiam Pietatis nostræ fratres prædictæ Congregationis, etc.

Occurrit rursum infra.

P. Carpentier, 1766.

◊ Quo donati etiam imperatores. Charta ann. 969. apud Murator. tom. 3. Antiq. Ital. med. ævi col. 193 :

Imperante domno nostro Ottone pacifico magno imperatore, anno Pietatis ejus viij. etc.

Alia ann. 972. ibid. :

Regnante domno Ottone piissimo perpetuo augusto,... anno Pietatis ejus... sexto, etc.