PISCINA 1, Glossarium mediae et infimae latinitatis, Du Cange et al.

« 1 piscina » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 334c. http://ducange.enc.sorbonne.fr/PISCINA1

1. PISCINA, Locus in quo manus Sacerdotes lavant, et ubi ablutiones Sacerdotis, Missam celebrantis, injiciuntur, in lib. Usuum Ordinis Cisterciensis cap. 21. 53. in Statutis Synodalibus Odonis Episcopi Parisiensis cap. ult. num. 24. 28. in Concilio Salmuriensi ann. 1253. cap. 3. in Synodo Bajocensi ann. 1300. can. 21. 22. et apud Durandum lib. 1. Ration. cap. 1. num. 39. Summula Raymundi Ordin. Præd. de lotione calicis :

Hanc in piscinam volo projicias, vel in ignem.

Vide Concilia Rotomagensia pag. 228. et Glossar. med. Græcit. voce Ἰπνός, col. 519.

Piscina, Solium balnei. S. Augustinus

lib. de Dialect. cap. 5 :

Piscina dicitur in balneis, in qua piscium nihil sit, cum nihil piscibus simile habeat : videtur tamen a piscibus dicta propter aquam, ubi piscibus vita est.

Vetus Interpres Alexandri Iatrosophistæ lib. 3. Passion. de Balneo :

Et sic stet aliquandiu in solio, ac post modicum descendat in Piscinam.

Ubi Glossæ MSS. : Solium balneorum vocant Piscinam, vel quodlibet, in quo continetur aqua.

PISCIDA 2. PISCINA © École des chartes.

« 2 piscina » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 335a. http://ducange.enc.sorbonne.fr/PISCINA2

2. PISCINA, Locus in quo piscatur, Stagnum, Gall. Etang. Charta Arnulf. Luxov. Episc. in Tabul. Corbeiensi :

Omnes autem aliæ res, quæcumque in controversia nominatæ fuerunt, tam in placitis quam in regardis, in molendinis, in pratis, in pascuis et Piscinis, in grangia, etc.

Chron. Farfense apud Murator. tom. 2. part. 2. col. 395 :

Et cuidam viro presbytero concessit res cum Piscinis v. ad linum macerandum in Decano.