PRINCIPALES, Glossarium mediae et infimae latinitatis, Du Cange et al.

« Principales » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 503b. http://ducange.enc.sorbonne.fr/PRINCIPALES

PRINCIPALES, Præcipui civitatum : οἱ ἐν τέλει, in veteri inscriptione. Alia Inscriptio apud Gualterum in Tabulis Siculis pag. 26 :

Ti. Claudio Herodiano C. V. leg. prov. Sicil. judici rarissimo patrono Col. Panhormit. Principales viri ex ære collato DD.

Principales urbium, in Cod. Th. leg. 40. tit. 5. de Hæret. lib. 16. Vide Gothofredum tom. 4. ejusd. Cod. pag. 340. 341. 501. et 522. Salvianus lib. 5. de Gubern. Dei :

Quis ergo, ut dixi, locus est, ubi non a Principalibus civitatum, viduarum et pupillorum viscera devorentur, et cum his ferme sanctorum omnium ?

Ita apud S. Augustin. Epist. 158. Vide Juretum ad Symmach. pag. 227 : et Mabill. Diplom. pag. 457. Primum Principalem, in Inscript. inter Notas ad Inscript. Gudii pag. 24. Savin. Histor. Jur. Roman. med. temp. tom. 2. cap. 2. § 20. 24. cap. 5. § 98.

les Bénédictins de St. Maur, 1733–1736.

Principales Curiæ, Decuriarum primi. Acta S. Symphorosæ tom. 4. Julii pag. 358 :

Cujus corpus colligens frater ejus Eugenius, Principalis curiæ Tiburtinæ, in suburbana ejusdem civitatis sepelivit.

Horum dignitas et officium.

les Bénédictins de St. Maur, 1733–1736.

Principalitas dicitur in Cod. Theod. leg. 6. de Quæst. tit. 35. lib. 9.

les Bénédictins de St. Maur, 1733–1736.

Principales Milites. Veget. lib. 2. cap. 7 :

Hi sunt Milites Principales, qui privilegiis muniuntur.

Vide Principium 2.

PRINCERUS PRINCIPALIS © École des chartes.

« 1 principalitas » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 503c. http://ducange.enc.sorbonne.fr/PRINCIPALITAS1

1. PRINCIPALITAS, Principis auctoritas, majestas. Libellus Precum Marcellini et Faustini :

Sed ne aliorum impietatibus et crudelitatibus sanguis effusus Christianorum diu piissimum vestræ Principalitatis gravet imperium.

les Bénédictins de St. Maur, 1733–1736.

Principalitas, Principatus, Gall. Principauté, in Charta ann. 1018. inter Instrum. tom. 4. novæ Gall. Christ. col. 139. Litteræ Edwardi VI. Regis Angl. ann. 1547. apud Rymer. tom. 15. pag. 124 :

De quolibet comitatu et burgo regni nostri Angliæ et Principalitatis nostræ Walliæ, etc.

Occurrit rursum ibidem pag. 746. Vide alia notione in Principales.

« 2 principalitas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 503c. http://ducange.enc.sorbonne.fr/PRINCIPALITAS2

2. PRINCIPALITAS, Præstantia, excellentia. Gall. Primauté. Tertull. de Anima cap. 13 :

Ad hoc dispicere superest, Principalitas ubi sit, id est, quid cui præest, ut cujus Principalitas apparuerit, illa sit substantiæ massa.

Remigius Autiss. in Cant. Cantic. :

Caput ergo ecclesiæ, Principalitas mentis fidelium intelligitur.

Utitur etiam Macrob. Somn. Scip. lib. 1. cap. 3. et vetus Irænei Interpres lib. 2. cap. 1.