« »
 
SEXUS 1, SEXUS 2.
[]« 1 sexus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 466a. http://ducange.enc.sorbonne.fr/SEXUS1
1. SEXUS, Genus, species, vel potius diversitas. Constitutio Chlotarii Regis ann. 560. cap. 13 :
Nec quicquam aliud agere aut judicare, quam ut hæc præceptio secundum Legum Romanarum seriem continet, vel Sexus quarumdam gentium juxta antiqui juris Constitutionem olim vixisse dinoscitur, sub aliqua temeritate præsumant.
Neque forte aliter vox sexus capienda in Concilio Duziacensi I. pag. 292. edit. Cellotii, ubi
generis diversi ac sexus pecunia
, idem videtur, quod in Testamento Aldrici Episcopi Cenomanensis,
pecunia diversi generis
appellatur, hoc est, pecudes diversi generis, boves, caballi, oves, et similes :
Omnia, quæ ibi habuit, aurum, argentum, vestimenta, pannos plurimos, annonam, vinum, et generis diversi ac Sexus pecuniam,.... per vim abstulit.
Ubi pecunia diversi generis ac Sexus non potest sumi pro auro et argento quod antea expressum est, uti vult Cellotius. Eadem, ni fallor, seu potius contraria ratione capienda verba formulæ 7. ex Baluzianis :
Et aliam rem quantumcumque visus sum habere, aut inantea laborare potuero, tam peculium, præsidium utriusque generis Sexus, aurum, argentum, drapalia, etc.
Nam cum præsidium quasvis facultates significet, ac præsertim pecuniam numeratam, voce præsidii utriusque generis Sexus videntur intelligi aurum et argentum, quæ consequenter describuntur explicationis gratia. Nolim tamen id præfracte asseverare, præsertim ex form. 28. ubi omne genus pecudum habetur.
P. Carpentier, 1766.
◊ Charta ann. circ. 1282. in Access. ad Hist. Cassin. part. 1. pag. 354. col. 1 :
Ubi (in Provincia) erant centum sapientiores eo in Sexu naturali et in scientia litterarum.
© École des chartes.
[]« 2 sexus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 466a. http://ducange.enc.sorbonne.fr/SEXUS2
2. SEXUS, Pars corporis, qua quis vir est aut mulier, apud veterem Interpretem Moschionis, qui φύσις voce uti solet. Gloss. Lat. Gr. : Sexus naturæ, εἶδος φύσεως. Vide Harmoniam Gynœciorum part. 1. cap. 9. n. 5. et alibi.
P. Carpentier, 1766.
◊ Nostris Sexe, eadem acceptione. Lit. remiss. ann. 1457. in Reg. 189. Chartoph. reg. ch. 225 :
Icellui Poncelet print icelle fille aagée de dix à douze ans et la tira par ses drappeaux et sainture, et après par son Sexe.
Hinc
Sexu Debilitatus, castratus, in Glossis antiquis MSS.
les Bénédictins de St. Maur, 1733–1736.
Sexus Perfectior Masculi appellantur ab Amalario in Ecloga de officio Missæ, tom. 2. Capitul. col. 1353.
© École des chartes.