1. STARTIA, Starcia. Charta Roberti II. Principis Capuani anni 1156. in Sanctuario Capuano pag. 617 :

Hoc est, integram unam peciam terræ, quæ est Startia nostræ curiæ pertinens, et appellatur ea Campus seu Startia de Majano, habetque hos fines, etc.

Alia Guillelmi Regis Siciliæ, ann. 1182. apud Ughellum :

Et sine aliquo servitio castrum illud, sicut prædictum est, cum Startia turris palatii teneat et cognoscat.

Apud eumdem tom. 8. pag. 47 :

Starzia.

Adde tom. 6. pag. 643. et seqq. Charta Philippi Principis Tarentini ann. 1313. post Hist. nostram Gallo-Byzantinam pag. 77 :

Cum civitatibus, villis, castris,.... juribus, territoriis, Starciis, et pertinentiis suis omnibus, etc.

Vide Stare 3.

2. STARTIA, Beneficii ecclesiastici species, in Formul. MS. Instr. fol. 46. v° :

Ecclesias aut dignitates, et præbendas, beneficia et ferenda ac Startias, quæ in civitate et diœcesi prædietis per cessionem, renunciationem vel mortem, vel alio quovis modo vacaverint in posterum, vel hactenus vacaverunt, quorum ad nos collatio, provisio seu electio quocumque spectat, personis ydoneis libere conferre possis.

Beneficia fortasse designantur firma et stabilia, quibus possessores privari non possunt.