« »
 
COMMODUM 1, COMMODUM 2.
[]« 1 commodum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 450b. http://ducange.enc.sorbonne.fr/COMMODUM1
1. COMMODUM, Stipendium, salarium. Gloss. Lat. Gr. : Commoda, λυσιτελῆ, χρήματα. Suidas :
Κόμοδα, δόσις ἐπί τοῦ σιτισμοῦ παρεχομένη.
Perperam editum σεισμοῦ, quod non advertit Meursius. S. Augustinus, seu quivis alius, homil. 19. de Verbis Domini :
Fraudes suas ac rapinas Commodum vocant, cum ipsa præda inferatur in commodum.
Joannes VIII. PP. Epist. ad Rostagnum Archiep. Arelatensem :
Quibusdam narrantibus agnovi quod in Galliarum... partibus, nullus ad sacrum ordinem sine Commodi datione perveniat.
Vide Vitruvium in Præfat. lib. 1. Senatorem lib. 4. Epist. 27. lib. 5. Epist. 5. lib. 7. Epist. 15. lib. 9. Epist. 14. lib. 11. Epist. 8. Privilegium Emmonis Episcopi Senonensis in sæculo 3. SS. Ord. S. Benedicti tom. 2. pag. 614. et quæ observarunt Salmasius de Usuris pag. 96, Savaro ad Sidon. lib. 6. Epist. 9. Cujacius, Carolus Labbeus, Jacobus Gotofredus, et alii. Hinc
Commodum, pro quavis pensitatione vel etiam exactione usurpat Gregorius M. lib. 1. Epist. 42. 59. ut et Diurnus Romanus cap. 4. tit. 2. Interdum sumitur pro pecunia quæ pro mulcta exsolvitur. Auctor Queroli sub finem :
In luxu autem et ossibus loco motis, usque ad deuncem solidi injuriarum Commodum placuit extendi. Censum sive Commodum aliquod imponere,
in Conventu Pistensi ann. 864. tom. 2. Spicilegii Acheriani.
Commodum Facere. Vide Leges Henrici I. Regis Angl. cap. 79.
© École des chartes.
[]« 2 commodum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 450b. http://ducange.enc.sorbonne.fr/COMMODUM2
2. COMMODUM, Comodium, Cubiculum, hospitium. Isidorus in Glossis : Comodia, hostiaria. Perperam in Excerptis Pithœanis Comedia : est enim hoc loco Commodium, hospitium, quod per Ostiarium expressit Historia Australis ann. 1298 :
Et venerunt cum tanta multitudine Ungarorum et Comanorum, quod vix poterant invenire hospitia in civitate, imo circumquaque extra partes civitatis receperunt se cum equis suis, in cubiculis, et stabulis, et cameris, in stupis, de suis Comodiis hominibus ejectis.
Buschius in Chronico Windesem. lib. 2. cap. 45 :
Missam in portatili in Commodo ubi decubuit coram ipso celebravi.
Lib. 2. cap. 57 :
Cum Prior in civitates, oppida, loca, domus, et Commoda hospitum suorum divertere contigisset.
Et cap. 5 :
Commodo satis pulchro inclusus.
Ex his emendandus Anonymus in modo examinandi Valdenses :
Quotiens audivisti prædicationes eorum ? ubi primam ? in quot domibus istius loci ? in quo Coramodo istius domus ?
Legendum enim Commodo.
© École des chartes.