« »
 
CONTESTATIO 1, CONTESTATIO 2, CONTESTATIO 3.
[]« 1 contestatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 533a. http://ducange.enc.sorbonne.fr/CONTESTATIO1
1. CONTESTATIO, Litis contestatio, in Lege Longobard. lib. 2. tit. 21. § 2. Rothar. 250. Gloss. Græc. Lat. : Προϰατάρξις ἐπὶ δίϰης, Contestatio.
P. Carpentier, 1766.
◊ Practicis nostris unica voce Litiscontestation. Occurrit in Stat. ann. 1367. tom. 7. Ordinat. reg. Franc. pag. 706. art. 8.
© École des chartes.
[]« 2 contestatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 533a. http://ducange.enc.sorbonne.fr/CONTESTATIO2
2. CONTESTATIO, Libellus, scriptura, in leg. 8. Cod. Theod. de Famosis libell. (9, 34.) et apud Gregor. Magn. lib. 5. Epist. 30 :
Nocturno silentio in civitatis loco, Contestationem posuit in ejus crimine loquentem.
Contestatio, Testatio. Concilium Arelat. II. sub Siricio PP. can. 32. et ex eo Capitul. Caroli M. lib. 6. cap. 142. 144 :
Si expositus ante Ecclesiam cujuscumque fuerit miseratione collectus, Contestationis ponat epistolam.
Id est, qua testatur se eum collegisse. Anastasius in S. Hormisda :
Portantes epistolas confortatorias fidei, et Contestationes secretas numero 19. etc.
© École des chartes.
[]« 3 contestatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 533a. http://ducange.enc.sorbonne.fr/CONTESTATIO3
3. CONTESTATIO. Ordo Romanus de Consecratione Episcopi :
Pontifex ponit manum super caput ejus, et dicit unam orationem in modum Collectæ, alteram in eo modulamine, quo solet Contestatio cantari.
Gregorius Turon. lib. 2. de Miracul. S. Martini cap. 14 :
Cumque nos rite sacrosancta solennia celebrando Contestationem de Domini virtutibus narraremus, etc.
Acta SS. Junii tom. 3. pag. 10. de S. Ferreolo :
Contestatio
, Vere dignum et justum est, quotiescumque pugnas Sanctorum recolimus. Quibus locis Contestatio idem sonat quod
Contestada ; ita enim appellari in Codice Remensi MS. monet Menardus, Præfationem, seu Orationem quæ Canoni præmittitur, qua disponitur Sacerdos et populus ad tremendorum mysteriorum confectionem, quod, ut est in alio Codice Thuano,
Contestetur Sacerdos fixam ac veram professionem populi, id est, gratias referre Deo dignum esse
. Ita etiam in veteri Liturgia, apud Cardinal. Bona lib. 1. Rerum Liturgicar. cap. 12. n. 5. Præfatio
Contestatio Missæ
appellatur. Eumdem vide lib. 2. cap. 10. n. 1. et in lib. 3. Sacrament. Eccles. Rom. cap. 106. in Missali Gothico pag. 270. 288. quo spectant ista Gennadii de Scriptorib. Eccles. in Musæo : Composuit Sacramentorum egregium et non parvum volumen, per membra quidem pro opportunitate officiorum et temporum, pro lectionum textu psalmorumque serie et decantatione discretum : sed supplicandi Deo et Contestandi[] beneficiorum ejus sodalitate sui consentaneum. Glossæ Lat. Græc. : Contestatur, συνμαρτύρεται, ἐπισφραγίζεται, διαμαρτύρεται. Festus : Contestari, est, cum uterque reus dicit, Testes estote. Paulinus Natali 9 :
Quid Paschale epulum ? nam certe jugiter omni
Pascha die cunctis Ecclesia prædicat oris,
Contestans Domini mortem cruce, de cruce vitam
Cunctorum.
Annales Francor. Fuld. ann. 888 :
Salubri utens consilio, Contestans se malle suum regnum gratia cum Regis pacifice habere, quam ulla jactantia contra ejus fidelitatem superbire.
Papias : Contestari, ad judices ; obtestari vero ad adversarios pertinet. Glossæ Græc. Lat. : Μαρτυροποίημα, Contestatio, testificatio. Contestatari sacramentum fidelitatis, in Capitulari 3. ann. 789. cap. 2.
Contestata, in Missali vet. Francor. pag. 422.
© École des chartes.