ERRATICUS, Errabundus, vagus, vagabundus, Italis Erratico. Gloss. Gr. Lat. :

Πλάνος, Erraneus, Erraticus, seductor.

Cornel. Fronto :

Erraticus, et potest errare, et solet. Erraticus, animus est qui solet errare, et desinit.

Vita S. Deicoli Abb. Lutrensis num. 15 :

Cumque vir sanctus per eremum, quasi Erraticus viator, convenientia manendi loca disquireret. Erraticum pecus, quod vulgo dicitur Weredif,

in Concilio Islebonensi cap. 27. quod nostris Espave. Errandi verbum de pecoribus proprie efferi docet Maro Ecl. 7. vers. 7 :

Huc mihi dum teneras defendo a frigore myrtos,

Vir gregis ipse caper Deerraverat.

Plauto in Bacchid. Errantia pecora, solivaga et seorsim pascentia dicuntur. MS. :

Or ne vous chault à demeurer,

Car tout sui prest de vous Errer.

Ubi Errer idem videtur quod conducere.