« Exenterare » (par les Bénédictins de St. Maur, 1733–1736), dans , et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 358c. http://ducange.enc.sorbonne.fr/EXENTERARE
EXENTERARE, Sontis interanea seu
viscera extrahere. Cornelius Zantfliet in Chronico, apud Marten. tom. 5.
Collect. Ampliss. col. 392 :
Post pauca tres præcipui totius mali promotores vivi comprehensi sunt et Bavaro præsentati ; quorum primarius, Jacobus dictus Babdu, in quatuor portiones apud Trajectum extitit depeciatus et Exenteratus, Helias de Flemalia in agro decollatus, Ægidius Lamberti ad arborem suspensus.Vide Exinterare.
Exenteratio, Exentricatio, Pœnæ species in læsæ majestatis reos, apud Anglos, apud quos eorum
interanea seu viscera extrahuntur et comburuntur. Th. Walsinghamus in Ricardo II :
Auditum et confessum turpissima scelera, tractioni, suspendio, decollationi, Exenterationi, et quaterizationi, ut usu vulgari loquar, adjudicavit.Et pag. 354 :
Adjudicatus est tractioni, suspensioni, Exentricationi, combustioni interiorum, et quarterizationi.Sententia edita in Hugonem Dispensatorem sub Edw. II. apud Knyghtonem :
Et pur ceo que vous abbetastes et procurastes discorde entre nostre Seigneur le Roy et la Royne et les altres del Realme, si serez Emboellez, et puis ils seront ars.