FRITELLUM, Stillicidium stercoris in sterquilinium. Gl. Isid Fritillus in ludo aleæ vasculum est infundibuli speciem referens, in quo agitantur tali et unde jaciuntur in alveolum : ad hujus vasculi similitudinem quodammodo factus est latrinæ meatus, quo corporis sordes emittuntur ; hinc eum meatum potuit Glossator Fritellum appellare. Joan. de Janua : Fritellum, Molinellum, in quo piper teritur, et dicitur a Frango, quod grana piperis vel alia frangit ; et est perforatum ab inferiore parte, et inde piper tritum recolligitur. Ponitur etiam pro vase perforato, per quod solent projici taxili, ne fiat ibi fraus. Gloss. Lat. Gall. Sangerm. : Fritilum, mortier à espices. Vide supra Fratillum.