GLISCERE, Glossarium mediae et infimae latinitatis, Du Cange et al.

« Gliscere » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 078c. http://ducange.enc.sorbonne.fr/GLISCERE

GLISCERE, est Cupere vel desiderare, resplendere, crescere, ardescere, pinguescere, tumescere, superbire vel indignari, apud Johann. de Janua, qui verbum illud derivat a γλυϰύς, Dulcis :

Quæ enim dulcia sunt, inquit, desiderare solemus

. Papias : Gliscit, Crescit, ardescit, augmentatur, desiderat. Nonius : Gliscit est Congelascit, et colligitur, vel crescit, vel ignescit. Vide locos ab eo laudatos, et, si vacat, Lexicon Martinii. Id unum observabo veteres nusquam usos fuisse verbo Gliscere pro Desiderare ; recentiores vero frequenter. In Hymno Martyrum canimus :

Gliscens fert animus promere cantibus

Victorum genus optimum.

Sic in Statutis Canonicorum Regul. art. 64. apud Duellium lib. 1. Miscell. pag. 98 :

Sed non plus teneat quam scit sibi quisque necesse

Utque Deo placeat, Gliscat sibi multa deesse.

Vide Rymerum tom. 8. pag. 297. col. 1. etc.

P. Carpentier, 1766.

◊ Charta Radulfi reg. ann. 932. inter Probat. tom. 2. Hist. Occit. col. 68 :

Qui pro amore omnipotentis Domini sanctam Dei ecclesiam construere et reædificare Gliscit, etc Goulouser,

eodem sensu, Poetis nostratibus. Phil. Mouskes in Phil. Aug. :

Le boin evesque de Tolouse,

Qui leurs armes sauver Goulouse,

Kacierent il fors de la tierre.

Guill. Guiart. pag. 25 :

Richart qui guerroier Goulouse,

Assaut le conte de Thoulouse.

Froissart. in Poemat. MSS. :

Tres que n'avoie que douze ans,

Estoie forment Goulousans

De veoir danses et carolles.