INSERVIRE, Glossarium mediae et infimae latinitatis, Du Cange et al.

« Inservire » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 378c. http://ducange.enc.sorbonne.fr/INSERVIRE

INSERVIRE, In servitutem revocare, retrahere. Capitula ad Legem Salic. cap. 1. § 7 :

Si vero aliquis eum injuste Inservire tentaverit, et ille cartam ingenuitatis suæ ostenderit.

Lex Bajwar. tit. 6. cap. 3. § 1 :

Ut nullum liberum sine mortali crimine liceat Inservire.

Ita Lex Ripuar. tit. 57. § 3. Lex Longob. l. 2. t. 34. § 10. Carol. M. 107. Capitul. Caroli M. l. 13. c. 28. Leges Henrici I. Reg. Angl. c. 89. etc. Concilium Vermeriense an. 752. c. 6 :

Si quis ingenuus homo ancillam uxorem deceperit pro ingenua, si ipsa femina postea fuerit Inservita, si redimi non potest, si ita voluerit, liceat ei aliam accipere.

Infra :

Si servum accipiat pro ingenuo, et postea pro qualicumque causa Inservitus fuerit.

Eadem fere notione dixerunt Anglici Jurisconsulti Inservire tenementa, seu servitutibus quibusdam ea subdere. Britton. de Legib. Anglic. cap. 54 :

Les servages dount home put son soil Enserver, sount sauns nombre, etc.

Occurrit ibi pluries.

P. Carpentier, 1766.

◊ Servitia exigere, servitiis addicere. Charta Fulb. episc. Camerac. ann. 941. ex Cod. 66. ejusd. eccl. :

Notitia qualiter Rainerus, tunc temporis vassallus domni Fulberti episcopi Cameracensis, voluit ibi inservire quandam feminam, nomine Oreviam, cum infantibus suis,... ut mansos deservirent ; qui cum id renuissent, ab omnibus inventum est... supradictas feminas, matrem videlicet cum filiabus suis unaquaque earum ad supradictam villam dare de suo capite denarios duos et filii earum quatuor, quam illud servitium facere, quod a supradicto seniore eis imponebatur.