1. LOGADERIUS, Conductor vel locator. Leges Palatinæ Jacobi II. Regis Majoric. in Actis SS. Junii tom. 3. pag. xiii :

Ut ab omnibus officialibus botelleriæ et coquinæ... et a marescallo et civaderio, et illis de stabulis, tam domesticis quam Logaderiis... nobilis major domus, aut alius major domus servitia faciens, homagium juramento subnixum recipiant.

Hic recte Sollerius Logaderium exponit, Qui locatam in aula habitationem tenet, eoque eximitur a jurisdictione magistratus civilis, vel Qui suam suorumve jumentorum operam locat ejus rei præfecto Zemblerio.

2. LOGADERIUS, Operarius, qui operam suam alteri locat. Libert. Petræ assisiæ ann. 1341. in Reg. 74. Chartoph. reg. ch. 647 :

Item quod consules dictæ villæ... possint compellere habitatores dictæ bastitæ... ad solvendum salaria debita omnibus Logaderiis pro affanagio.

Stat. ann. 1352. inter Probat. tom. 2. Hist. Nem. pag. 153. col. 2 :

Item quod quicumque brasserii seu Logaderii, singulis diebus quibus operabuntur cum alio pro peccunia, etc.

Vide supra Loetum.

3. LOGADERIUS, Habitabilis, Gall. Logeable. Charta ann. 1310. in Reg. 46. Chartoph. reg. ch. 88 :

Item una domus bassa in qua sunt quinque estatgia Logaderia confrontata cum orto et cum domo supradictis.

Alia ann. 1315. in Reg. 53. ch. 57 :

Item quædam domus Logaderiæ et stationes domorum sitæ Caturci in parrochia S. Petri.

Vide Logium 3.