« »
 
LOCUS 1, PIUS 1, PIUS 2.
[]« 1 locus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 135a. http://ducange.enc.sorbonne.fr/LOCUS1
1. LOCUS, pro sepulcro, seu loco sepulcri, occurrit passim in vet. inscriptionibus, præsertim apud Thomam Reinesium. Vide Gloss. med. Græcit. in Τόπος et Loculus 1.
les Bénédictins de St. Maur, 1733–1736.
Locus, Græcis etiam τόπος, Latrina, Gall. Les lieux, ut interpretatur Salmasius apud Tertullianum de Pallio, ubi :
Immundiorem loco cervicem monilibus [] consolatur.
Fortassis alter interpretabitur sepulcrum.
les Bénédictins de St. Maur, 1733–1736.
Locus Monachorum, Oppidulum pagi Venetensis in Armorica, vulgo dictum Loh-mine pro Loc-menach, Locus monachorum.
Johannes de Loco-monachorum Archidiaconus et Electus Ecclesiæ Venetensis
memoratur in Mandato Edwardi III. Regis Angl. ann. 1362. apud Rymer. tom. 6. pag. 361.
les Bénédictins de St. Maur, 1733–1736.
Locus Venerabilis, Pius. Vide Loca.
Ad Locum. Sic olim notare solebant particulas, quas ex constitutione aliqua aut recitabant, aut exscribebant, adjectis etiam interdum primis constitutionis verbis : cujus moris plures sunt in Theodosiano Codice reliquiæ, quibus etiam accidit, ut ea verba, nescio quomodo, in textum ipsum irreperent, et excerpti partem occuparent, ut in leg. 3. de Postul. (2, 10.) et Novella Majoriani de Episcopali judicio. Hæc Petrus Pithœus ad Collationis Legis Mosaicæ tit. 15. hæc verba :
Extat denique decretum divi Pii ad Pacatum Legatum provinciæ Lugdunensis, cujus rescripti verba, quia multa sunt, de fine ejus ad Locum hæc pauca subjecit, etc.
Locum Dare, Loco excedere. Gregorius M. lib. 2. Dialog. cap. 23 :
Cumque in eadem Ecclesia Missarum solemnia celebrarentur, atque ex more Diaconus clamaret, Si quis non commmunicat, det locum, etc.
© École des chartes.
[]« 1 pius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 339b. http://ducange.enc.sorbonne.fr/PIUS1
1. PIUS, Epitheton, ut videtur, urbis Toletanæ, apud Isidorum Pacensem Episcopum in Chronico æra 685 :
Hic crebra Concilia clarente Eugenio urbis Regiæ Metropolitano Episcopo Toleto Pio... recollegit.
Ex quo sane loco dubium videtur, quod alias asserit Antonius Augustinus de Numismatibus dialogo 7. Inscriptionem, quæ in aversa complurium nummorum Hispaniæ Gothicorum Regum conspicitur ac legitur, Toleto Pius, vocem postremam ad Principem, cujus est, spectare, ut in Leovigildi Regis numismate, Toleto Justus. Hunc lege, si tanti est, et expende. Ejusmodi etiam Regum Hispanicorum Gothicos nummos cum hac voce, Pius, adjecta urbium aliarum nominibus recenset Ambrosius Morales toto lib. 12. ubi quasdam profert, quæ habent Toleto Justus, Elbora Justus, cap. 4.
© École des chartes.
[]« 2 pius » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 339b. http://ducange.enc.sorbonne.fr/PIUS2
2. PIUS, Titulus in monetis Romæ cusis concessus, non Ludovico tantum, qui eo agnomine solet etiamnum appellari ; sed et Lothario ejus filio tributus, qui tamen parum pius extitit : unde pietatis imperatorum causa minus, quam ex usu iis tunc concessum fuisse existimo : nisi alius tum fuerit, quam nunc est, hujus vocis intellectus : quod mihi haud improbabile videtur. Consule Murator. tom. 2. Antiq. Ital. med. ævi col. 549. Vide supra Piissimus.
P. Carpentier, 1766.
◊ A voce Pius, haud dubie Actiones scenicas, quibus acta Christi vel Sanctorum exprimebant, quod pietati conducere posse ipsis videbatur, Piteux vel [] Pitoux appellarunt olim nostrates. Lit. remiss. ann. 1384. in Reg. 125. Chartoph. reg. ch. 26 :
Comme plusieurs amis charnelz de Jacob le Grant deussent et eussent promis aux enfants dudit Alixandre de venir à un esbatement, que on dit Piteux, environ la Chandeleur derrenierement passée ot deux ans, etc.
Aliæ ann. 1395. in Reg. 149. ch. 30 :
Advint que à une feste ou assemblée de Pitoux ;.... à laquelle feste ou assemblée on a usé et accoustumé de sonner un bassin pour assembler les voisins et gens d'entour, pour venir à ladite feste.
Denique aliæ ann. 1442. in Reg. 176. ch. 126 :
Il y avoit une grande assemblée de jeunes gens faisant esbatemens et jeux de personaiges, que on nomme ou pais (Chatellenie de Lille) Piteux.
Vide supra Ludus Christi, Moralitas 2. et Personagium 3.
© École des chartes.