PONDO, Papiæ, genus ponderis, libra est. Fere semper in veteribus Tabulis de argenti libra dicitur ; ut libra, de libra aurea, in Chartis Dagoberti et Ludovici Imp. apud Doublet. pag. 661. 736. etc. Walafridus Strabus de Vita S. Galli cap. 21 :

Auri quoque libras duas, et argenti Pondo totidem cum epistola concessionis jam dictæ per suos nuncios viro Dei destinavit.

Idem in Vita S. Othmari cap. 3. argenti libras habet. Tradit. Sangall. apud Neugart. Cod. Diplom. Alem. tom. 1. n. 10 :

Auri libras 5. et argenti Pondura 10.

Num. 11 :

Auri uncias 3. et argenti Ponduos 5.

Num. 12 :

Auri libras 5. et argenti Pondura.

Num. 26 :

Auri uncias 8. argentos Pondus 5.

Concil. Mexicanum ann. 1585. inter Hispan. tom. 4. pag. 306 :

In Pondo minarum 50. condemnetur.

Ibid. pag. 362 :

Si semel id commiserint 200. minarum Pondo multentur.