1. POTARE nomine matrimonii. Statutum Synodale Nicolai Episcopi Andegavens. ann. 1277. cap. 3 :

Intelleximus nonnullos volentes et intendentes matrimonium ad invicem contrahere, nomine matrimonii Potare, et per hoc credentes se ad invicem matrimonium contraxisse, carnaliter se commiscent. Verum cum per hoc nullum matrimonium contrahatur, et ob hoc quoniam plures jam fuerint decepti, vobis firmiter injungimus, quod frequenter et in publice Ecclesiis parochialibus vestris dicatis, quod per prædicta ejusmodi matrimonium nec sponsalia contrahantur.

Hæc et si prolixiora descripsimus, ut sæculi abusum, et proverbii vulgaris originem indicaremus,

Boire et manger, coucher ensemble, c'est mariage ce me semble

. Huc forte spectant sequentia ex Concilio Arelatensi ann. 1260. cap. 4 :

Cæterum quia jam in partibus Provinciæ, quasi passim absque autoritate Ecclesiæ, suorum, suarumque præsumunt firmare conjugia, etc.

Vide in Bibere.

2. POTARE, Potum præbere. Charta Phil. Aug. ann. 1217. in Reg. 34. bis Chartoph. reg. part. 2. fol. 57. r°. col. 1 :

Quicumque intraverit in hoc officium, Potabit bolengarios et singulis dabit gastellum unius oboli.

A Latino Potatio, nostri Potation dixerunt. Lit. remiss. ann. 1373. in Reg. 104. ch. 375 :

Le suppliant d'une part et Drouet Ferrant d'autre, desavans de leur sens et bon mémoire par leur trop grant Potation.