REBURRUS, Rebursus, Riburrus, a Gallico Rebours, retrorsum, in contrarium, inquit Vossius, lib. 2. de Vitiis sermonis cap. 16. Glossæ Lat. Græc. : Reburrus, ἀνάσιλλος, ἀναφάλαντος. Hinc aliæ emendandæ, ubi minus recte, Rebullus, etc. Suidas :

Ἀνάσιλος, ἀναφαλαντίας, ἄϰοσμος τὴν ϰεφαλήν.

Vide Versionem LXX. Levit. cap. 13. Vetus Inscriptio, quam laudat Grævius in Notis ad Glossas Isidori : T. Flavius Reburrus. Glossæ Isid. : Reburrus, hispidus. Glossæ MSS. : Reburrus, cirratus, vel crispus. Glossæ nomicæ Vaticanæ MSS. : Ῥεϐουῤῥοῦς, ἀναφαλαντίας. Faustus Manichæus apud S. Augustinum lib. 6. contra eumdem cap. 1 :

Calvum aut Reburrum, et similis notæ hominem non constituere Sacerdotem.

Ita etiam in Notis Tyronis pag. 150. Vitæ Abbatum Beccensium de Guillelmo Crispino :

In sua primæva ætate habebat capillos crispos, et rigidos, atque sursum erectos, et, ut ita dicam, Rebursos, ad modum pini ramorum, qui semper tendunt sursum : quare cognominatus est Crispinus, quasi crispus pinus.

Quam capillorum Rebursionem videmus adhuc iis, qui de ipsius Gisliberti genere descendunt

. Quod a pinus similitudine Crispinus dici putat hic auctor, ridiculum est. Ut a Longus, Longinus, ab Augustus, Augustinus, sic a Crispus dicitur Crispinus. Tabularium Majoris-Monasterii :

Judichalis de Rochèrio donat S. Martino terram suam, quam habet in Rocherio. Testes, Gaufredus Rebursus, etc.

Galli dicimus rebursos, qui ont les cheveux reboursez, vel rebroussez. Simili notione  :

Rechignée étoit et froncie,

Avoit le nez et Rebourcie,

Hideuse estoit et soulée.