1. REQUIRERE, Aliquem aggredi, quomodo Galli dicimus, Demander quelque chose à quelqu'un. Usatici Barcinonenses MSS. cap. 64 :

Neque per illorum fevum illis relictum guaytent personas eorum, nec encalcent, nec Requirant, nec vulnerent, nec capiant, nec captos teneant.

Cap. 122 :

Si quis cum alio ierit, vel fuerit in via sive in domo, sive in agro, seu in alio quovis loco, si aliquis eum Requisierit, vel aliquid de suo ei tollere voluerit, adjuvet inde eum prout melius possit sine engan contra cunctos, etc.

Vide Requirimentum.

2. REQUIRERE, in sacris Scripturis, Ulcisci, vindicare, rationem reposcere, repetere. Gen. 9. 5 :

Sanguinem enim animarum vestrarum Requiram de manu cunctarum bestiarum : et de manu hominis, de manu viri et fratris ejus, Requiram animam hominis.

Ibidem 43. 9 :

Ego suscipio puerum : de manu mea Require illum. Nisi reduxero et reddidero eum tibi, ero peccati reus in te omni tempore.

Adde Deuter. 23. 21. 1. Reg. 20. 15. etc.

3. REQUIRERE, Invisere. Homilia Gennadii libris adjecta ab Elmenhorstio pag. 52 :

Infirmos visitate, mortuos sepelite, in carcere positos Requirite, et de bonis vestris ministrate.

6. REQUIRERE, Alia notione, vide mox in Requisitio Terrarum.