« »
 
RETRAHERE 1, RETRAHERE 2.
[]« 1 retrahere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 165b. http://ducange.enc.sorbonne.fr/RETRAHERE1
1. RETRAHERE, Recedere, Se retirer. Ordericus Vitalis lib. 9. pag. 753 :
Audito Retrahendi lituo ;
Galli dicerent :
La trompette ayant sonné la Retraite.
Ottoboni Annales Genuenses lib. 3. ad ann. 1196. apud Murator. tom. 6. col. 376 :
At quum videret se eos minime posse de campo et castris eradicare..... Retraxit se cum militia sua et fortio.
Haud absimili notione Tullius pro Cælio cap. 26 :
Se Retraxit, ne pyxidem traderet.
Et Horatius lib. 1. Ep. 18. v. 58 :
Ac ne te Retrahas et inexcusabilis absis.
Retrahere se de assisa, Recedere ab actione apud JC. Angl. Placit. ann. 9. Richard. I. in Placit. Abbr. pag. 21. col. 1. rot. Midd. et alibi. []
P. Carpentier, 1766.
◊ Hinc Au Retrait de nonne Nostre Dame, in Stat. ann. 1378. tom. 6. Ordinat. reg. Franc. pag. 367. significatur tempus, quo officium ecclesiasticum, Nona nuncupatum, peractum est in ecclesia cathedrali Rotomagensi, a qua tum recedunt canonici.
© École des chartes.
[]« 2 retrahere » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 165c. http://ducange.enc.sorbonne.fr/RETRAHERE2
2. RETRAHERE, Practicis nostris Retraire, Redimere prædium ab agnato venditum pretio emtori restituto. Statuta Brageraci art. 39 :
Item quicumque vendiderit aliquam rem immobilem, et quis de parentela infra quartum gradum venditoris, voluerit eam habere per turnum bursæ ad hoc admittetur infra annum et mensem cum vero pretio empto et oblato emptori ; et si sit infans in cubili Retrahens, aut minor impubes, et quis nomine et vice ipsius minoris seu infantis ad ejus pupilli seu infantis commodum vult dictam rem Retrahere seu habere per turnum bursæ, hoc facere poterit et ei licebit, quod non sit tutor seu curator ipsius minoris.
Pluries recurrit artt. seqq. Vide Retractus bursæ, etc.
© École des chartes.