« »
 
[]« Stuba » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 618a. http://ducange.enc.sorbonne.fr/STUBA
STUBA, Vaporarium, hypocaustum : vox Germanica Stube, unde nostri Estuve. Lex Alamann. tit. 81. § 3 :
Si quis Stubam, ovile, porcaritiam domum alicujus concremaverit, etc.
Ditmarus lib. 7 :
Crebro a suis pene desperatus, in Stuba vix recreabatur.
Guill. de Baldenzeel in Hodœporico T. S :
Est in Cayro domus ampla, et ad modum Stubæ demissa, etc.
Christianus de Scala in vita S. Wenceslai pag. 61 :
Et veniens invenit eum in asso balneo, quod populari lingua Stuba vocatur, recumbentem.
Chronicon Aulæ Regiæ part. 2. cap. 18 :
Ad vicinam Stubam, ubi plures affuimus, confugit.
Vita Caroli IV. Imp. :
Nunciavit Regi Joanni, ut ad evitanda multarum personarum pericula, secum sola solus in Stuba clauderetur.
Ericus Upsaliensis lib. 5. Hist. Suecicæ pag. 159 :
Annuum tributum immensas pecunias solvendas imponens, videlicet Rumpestat, et de quolibet fumo unam marcam, et pro redemptione Gothlandiæ 12. oves de quolibet æstuario vel Stuba regni.
Concilium Viennense ann. 1267. cap. 16. de Judæis :
Prohibemus insuper, ne Stubas et balnea, seu tabernas Christianorum frequentent.
Stubæ balneares, in Statuto Guidonis Cardinalis Legati in eodem Concilio. Stupa baliniaris, pro balnearis, tom. 1. Rer. Mogunt. pag. 649. Lindenbrogius laudat Palladium de Architectura in capite, cui titulus est de balneis et Stufis. At si Palladius non alius est a Palladio, qui de re rustica scripsit, vox stufis non habetur in edito lib. 1. cap. 40. quod inscribitur nude de Balneis. Occurrit præterea apud Abbatem Stadensem ann. 1112. 1245. Andr. Monachum in Vita Ottonis Episcopi Bamberg. lib. 2. cap. 15. 23. Joan. Longinum in Actis S. Stanislai cap. 8. in Miracul. ejusd. Stanislai n. 171. in Gestis Episcopor. Saltzburgensium pag. 395. in Annalib. Colmariensib. ann. 1297. etc. Vide Graff. Thesaur. Ling. Franc. tom. 6. col. 615. et mox Stuffa.
P. Carpentier, 1766.
◊ Unde s'Estuver, Balneo uti, lavare, vulgo Se baigner. Lit. remiss. ann. 1374. in Reg. 106. Chartoph. reg. ch. 80 :
Comme[] les supplians feussent aus estuves de la Chevrete en la ville de d'Arraz,.... icellui Noble en attendant son compaignon qui s'Estuvoit, etc.
Aliæ ann. 1409. in Reg. 163. ch. 289 :
Icelle Marion se transporta en unes estuves..... avecques une sienne voisine, où ilz se Estuverent, et quant laditte Marion fut Estuvée, etc.
Hinc Estuveur, Balneator et Estuveresse, Balneatrix. Lit. remiss. ann. 1405. in Reg. 160. ch. 88 :
Guillaume Quarreau Estuveur demourant à Paris en la rue du Bourtibourt, etc. Item que aucun Estuveur ou Estuveresse de la ville de Paris ne pourra doresnavant faire chauffer estuves au jour de Dimenche,
in Lib. 1. Stat. artif. Paris. fol. 289. v°. Vide infra Stuparius.
les Bénédictins de St. Maur, 1733–1736.
Stuba, Fornacula, caminus, ut videtur, Gall. Fourneau. Correct. Statut. Cadubrii cap. 37 :
Si quis proclamari fecerit, quod facere velit vias, vel Stubas, vel alia ædificia pro laborando in aliquo nemore Cadubrii, non impediatur per alium, etc.
les Bénédictins de St. Maur, 1733–1736.
Stupa, ut Stuba, in Statutis Massil. lib. 5. cap. 13 :
Constituimus inviolabiliter observandum ne aliquis a modo tenens Stupas vel balnea, recipiat in dictis Stupis vel balneis, ad balneandum, vel Stupendum Judæam vel Judæum, nisi tantum una die singulis septimanis, scilicet die Veneris.
les Bénédictins de St. Maur, 1733–1736.
Stupha, in Serm. Menoti fol. 94. v° :
Quando ibitis ad nuptias, ad choreas, ad convivia, ad Stuphas vos balneare, induamini ut placuerit.
Occurrit etiam in in Medic. Salernitana pag. 302. edit. 1622. Statuta Eccl. Avenion. ann. 1441. apud Marten. tom. 4. Anecd. col. 585 :
Item, considerantes quod Stuphæ pontis tronati præsentis civitatis sint prostibulosæ, et in eis meretricia prostibularia publice et manifeste committantur : quorum consideratione per officiarios temporales dictæ civitatis statutum fuerit et inhibitum, homines conjugatos ad ipsas Stuphas non audere Stuphari... Ea propter præsentium tenore inhibetur universis et singulis personis ecclesiasticis clericisque conjugatis,.... ne ab inde in antea die vel nocte dictas Stuphas intrare, nec in illis se Stuphare audeant.
les Bénédictins de St. Maur, 1733–1736.
◊ Stubas, vel Stupas vocant Germani tabernas seu loca ubi potationibus vacant, quod in eis sint æstuaria : unde ipsis nata vox Trinkastuben, a Stuba, et Trincken, bibere. Statuta Eccles. Argentin. ann. 1435. apud Marten. tom. 4. Anecdot. col. 550 :
Choreas quoque omnibus dominabus quorumvis monasteriorum nostræ diœcesis, et specialiter in publico, scilicet in Stupis virorum quæ dicuntur Trinkastuben, etc.
Stubæ, dictæ in Monasteriis Cameræ Capituli, seu, ut vocant, ipsa Capitula, quod in iis essent æstuaria ac hypocausta. Idem Ericus Upsaliensis lib. 4. Hist. Suecicæ pag. 145 :
Omnibus oppidanis in Stuba communi S. Gertrudis convenientibus.
Pag. 147 :
Conveniunt igitur ad tractandum de pace in Stuba Conventus Prædicatorum.
Sic etiam Germani Caminatas vocant.
les Bénédictins de St. Maur, 1733–1736.
Stuffa, Eodem intellectu. Acta ad Conc. Basil. apud Marten. tom. 8. Ampl. Collect. col. 1 :
In domo fabricæ ecclesiæ Basileensis, sita prope eamdem ecclesiam, et super ejus atrio, et in Stuffa superiori et majori domus ejusdem.
Stuppa, Stupa. Bernardus Monach. in Consuet. Cluniacensib. MSS. cap. 25 :
Quando aliquis eorum vult in balneum, vel in Stuppam intrare, etc.
Histor. Australis ann. 1295 :
Per totam hyemem aura [] adeo lenis fuit, quod Stupis bene caruissent, si homines voluissent.
L. Henschel, 1840–1850.
Stupula Balnearia, in Chart. ann. 1306. apud Guden. cod. Dipl. tom. 4. pag. 994.
© École des chartes.