SUGGILLARE, Suffocare, strangulare. Gloss. Gr. Lat. : Ἄγξις, Suggillatio, suffocatio. Glossæ Biblicæ MSS. : Suggillo, tractum est a gula, quasi suggullo : unde Suggillare proprie est strangulare. Papias : Strangulat, suffocat, gulam manu premit, Suggillat. Suggillare, gulam stringere, gulæ manum injicere. Gregorius Turon. lib. 4. Hist. cap. 28 :

Ad extremum eam Suggillari jussit a puero, mortuamque reperit in strato.

Lib. 3. cap. 2 :

Cui dormienti orarium sub collo positum, ac sub mento ligatum, trahentibus ad se invicem duobus pueris, Suggillatus est.

Quidam Codd. habent suffocatus est. Utitur præterea lib. 7. cap. 7. lib. 9. cap. 34. lib. 10. cap. 8. Adde Gesta Regum Francorum cap. 28. Vide Suggella.