« »
 
TALARE 1, Talare 2, TALARE 3, TALHARE.
[]« 1 talare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 015b. http://ducange.enc.sorbonne.fr/TALARE1
1. TALARE, Vastare, rem invadere, per vim auferre. A Sax. talon, Carpere, detrahere, uti vult Spelmann. Malim ab antiquo Taliare, ut et Gallicum Tailler, Italicum Tagliare ; unde Talare proprie sit Scindendo vastare. Lex Alamann. tit. 34 :
Si quis præsumpserit infra provinciam hostiliter res Ducis invadere, et ipsas Talare, et post hæc convictus fuerit, quicquid ibi toltum fuerit, mancipia, pecuniam, omnia tripliciter restituat.
Rex Ripuar. tit. 64 :
Et quanticumque post auctorem sanguinis effusores, vel post tres priores fuerint, unusquisque 15. sol. mulctetur, et, quidquid ibi Talaverint, restituant.
Eadem, ni fallor, notione
Talare dicebantur milites, flagrantibus Albigensium bellis, qui vineas et arbores in agris evellebant et exscindebant ; fortean a Gallica voce Tailler, quam nostri de consueta vinearum putatione usurpant, quasi ii, cum vastationem hanc aggrederentur, id operis peragere se per ludibrium dictitarent, vitibus ipsis radicitus excisis et putatis. Ut ut est de primæva vocis origine, Talare dictum est a Tala, vastatio, damnum, ut superius observavimus. Will. de Podio-Laurentii in Chronico cap. 38 :
Memini, quod dicebat pius Episcopus, dum Talando quasi fugientes redirent, Miro modo fugiendo adversarios nostros superamus.
Supra dixit vineas demoliri. Cap. seq. :
Peracto igitur Talæ hujus negotio, etc.
Inquisitio ann. 1268. [] ex Schedis Pr. de Mazaugues :
Pro quodam blado quod Talaverat cum ovibus suis, emendavit quatuor sextarios annonæ ei cujus erat bladum talatum.
Tabularium B. Mariæ Piperac. :
Pastores dicti Comitis cum dicto bestiario Talaverunt blada dictæ parochiæ.
Et alibi :
Pratum Talaverunt et destruxerunt.
Charta ann. 1302. tom. 2. Hist. Dalphin. pag. 98 :
Talaverunt vineas et prata et animalia prædaverunt.
Alia ann. 1339. ibid. pag. 376 :
Ne quisquam... nemora scindere, accipere vel Talare...... audeat.
Alia ann. 1342. ibid. pag. 441 :
Mandamenta Talavistis, multas arbores.... tam furtive et clandestine, quam palam scindistis.
Stabilimentum Communis Tolosæ ann. 1181. apud Catellum in Comitibus Tolosanis lib. 2 :
Qui inveniet Talatorem in vinea, sive sua, sive alterius, vel in prato deves (i. vetito) vel in viridario, vel in horto, vel in arbore, vel in segetibus hominum urbis Tolosæ, vel suburbii, capiat eum, et retineat, si potest : et ille Talator factum talem emendet illi, cujus est honor, etc.
Concilium Biterrense ann. 1246. cap. 18 :
Et illi (excommunicantur) qui vineis, bladis, arboribus Talam faciunt, et aliis bonis, quæ ad Ecclesiam pertinent, etc.
Synodus Nemausensis ann. 1284. cap. de Pœnitentia :
De Talis et incendiis, etc.
Charta ann. 1383. apud Guesnaium in Annalibus Massil. pag. 437 :
Quingentos balistarios, quingentos pavesiatores, Talatores, vastatores et bombardas in magno numero pro faciendo vastum ante civitatem Aquensem, etc.
Hispani etiamnum Talar, dicunt, pro agros depopulari, et Tala, pro depopulatio. Sed et
© École des chartes.
[]« 2 talare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 015c. http://ducange.enc.sorbonne.fr/TALARE2
2. Talare, est Putare, scindere. Charta Garciæ Fernandi Comitis, æræ 1010. apud Anton. de Yepez in Chron. Ord. S. Benedicti tom. 1 :
Et per omnes terminos plantare et arrumpere licentiam habeant fratres de Ecclesia S. Petri, ubi voluerint ligna Talare, aut herbare garda, aut vinis per cofinus, aut carro per qualecunque ambulare, etc.
In alia Charta æræ 1018. ibidem :
Nullusque sit ausus aliqua terra laborare, neque pascua aliqua ibi defendere, neque vinea plantare, vel aliqua ligna abscindere, etc.
Vide Observantias Regni Aragon. pag. 26. 36. edit. 1624. et Repertorium Michaëlis del Molino in Alcaydus, Diffidamentum, et Talator.
P. Carpentier, 1766.
◊ Charta ann. 1217. inter Probat. tom. 1. Hist. Nem. pag. 55. col. 2 :
Ponit iterum P. Bonitus, quod Petrus Altrannus Talavit quendam clausum suum, etc.
Stat. Avenion. ann. 1243. cap. 105. ex Cod. reg. 4659 :
Statuimus quod si quis Talaverit vel erradicaverit, vel Talari seu erradicari fecerit, pro singulis corgonibus Talatis vel erradicatis solvat communi nomine pœnæ tres solidos.
Talare, Alias Latinis est Talo percutere, ϰονδυλίζειν.
P. Carpentier, 1766.
◊ Taler vero, Atterere, frangere, vulgo Froisser, sonat in Lit. remiss. ann. 1417. ex Reg. 170. Chartoph. reg. ch. 113 :
Les cyrurgiens qui firent le rapport que icelle femme estoit Talée et froissée de ses membres, tout ainsi que s'elle feust cheue d'un arbre à terre.
© École des chartes.
[]« 3 talare » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 015c. http://ducange.enc.sorbonne.fr/TALARE3
3. TALARE, Continere. Testam. Isaac medici Carcass. Judæi ann. 1305. ex Chartoph. reg. Montispess. :
Item Vitali Astruch...... duo vasa vinaria, quolibet unius modii, et unam tinam quam ego emi, quæ tina Talat unum modium et dimidii vini.
© École des chartes.
[]« Talhare » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 018b. http://ducange.enc.sorbonne.fr/TALHARE
TALHARE, Singulatim distrahere, Gall. Vendre en détail. Charta ann. 1307. in Reg. 42. Chartoph. reg. ch. 44 :
Concedimus quod si in alio loco dicti castri carnes venderentur ad tallium per dictos macellarios....... Promittimus vendere et Talhare infra dictas domos seu macellum bonas carnes, sanas, vendibiles, et legales.
Occurrit rursum in Charta ann. 1310. ex Reg. 49. ch. 80. Vide infra Tallium 4.
© École des chartes.