AALAGIA, Agri villarum viciniores, illi scilicet qui primi occurrunt ex urbe, pago, etc. exeunti. Ailages apud Normanos præsertim in Marchionatu Novoburgensi, alias Bordieres, Piccardis Tour de ville : apud quod Aalagia ultra semiarpennem se non promittunt, decimasque pendunt parochiæ Rectori, ut Novales, et Clausuræ, Gall. Closages. Etymon ab Aala pro ala, quæ ut Gal. Aage pro Age. Litteræ Officialis Rothomagensis anno 1341. in Bullario Fontanell. fol. 60 :

Super eo quod idem Rector dicebat et asserebat sibi ratione suæ prædictæ Ecclesiæ de jure communi jus competere percipiendi, coligendi, levandi et habendi omnes et singulos grossos fructus decimales excrescentes in omnibus et singulis novalibus, essartis et clausis, Aalagiis sitis et existentibus infra metas parrochiæ prædictæ. (Vide Eslagium.)