« »
 
ABHOMINATIO, ABOMINATIO 1, ABOMINATIO 2, ABOMINATIO 3.
[]« Abhominatio » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 021c. http://ducange.enc.sorbonne.fr/ABHOMINATIO
ABHOMINATIO. Monstri parturitio. Dief.
© École des chartes.
[]« 1 abominatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 026c. http://ducange.enc.sorbonne.fr/ABOMINATIO1
1. ABOMINATIO, Vox Medicorum ; nausea, fastidium cibi, actio vomiturientis, [] Gall. Envie de vomir. Constantinus Afric. lib. 4. de Morbor. cognit. cap. 10 :
Cum homo antequam cibum accipiat, Abominationem patiatur, mali chymi in stomacho esse intelliguntur.
Adde cap. seq. Idem lib. 9. Pantechn. cap. 27 :
Abominatio et vomitus aut ex cibi sunt quantitate, aut de qualitate, aut de humorum putredine.
P. Carpentier, 1766.
◊ Medic. pract. in Gloss. ad calcem Joinvill. edit. reg. :
La mente..... conforte l'estomac et donne apetit de mangier et oste Abomination.
Unde Abominable, Qui nauseam patitur, apud eumd. Joinvil. in Hist. pag. 352 :
Ces malades estoient si despis, que les privez serganz du benoict roy en estoient Abominables.
Hinc etiam nostratibus Abosmer, nauseare. Le Reclus de Moliens in suo Miserere :
Moult est en enfermeté grande,
Homs qui Abosme sa viande.
Unde de iis usurparunt, qui animo deficiunt, quomodo ii, qui eo morbo laborant. Guill. Guiart. ad ann. 1187 :
Se vont à Gisors entassant,
Comme ceus que paour Abosme ;
Li rois Philippe prent Vendosme.
Le Roman de Garin :
Et chevauche dolens et Abosmis.
Rursum :
Dont en furent irrié et Abosmi.
Fabul. tom. 2. pag. 208 :
Moult fu dolens et Abosmez,
Quant il ne la puet convertir.
P. Carpentier, 1766.
◊ Abosmé vero, pro Abonné, in Consuet. Nivern. cap. 8. art. 5. si fides de Lauriere in Glossar. Jur. Gall.
© École des chartes.
[]« 2 abominatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 027a. http://ducange.enc.sorbonne.fr/ABOMINATIO2
2. ABOMINATIO, Idolum, idololatria. Gentium idola a Scriptoribus Sacris fere semper Abominationes appellantur, quod illa Deus summe dedestatur, atque, ut nauseam quam Medici Abominationem vocant, exhorrescat. Exodi cap. 8. v. 27 :
Non convenit ita facere, quia Abominationem Ægyptiorum sacrificaremus Domino Deo nostro ;
scilicet boves, capras, oves etc. animalia, quippe etiam reptilia, colebant Ægyptii ; Unde Spicileg. Acher. tom. 10. pag. 22 :
Redacto in pulverem tauri capite, quod factum in similitudinem Abominationis Ægyptiæ fuerat.
Deuteron. cap. 7. v. 12 ; 2. Reg. cap. 23 ; Esdr. cap. 9. etc.
© École des chartes.
[]« 3 abominatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 027a. http://ducange.enc.sorbonne.fr/ABOMINATIO3
3. ABOMINATIO, Anathema. Joan. de Janua : Abominarium, Liber ubi Abominationes scribebantur ; id est, anathemata, a summis Pontificibus, Episcopis et Fundatoribus lata contra invasores et deprædatores bonorum Ecclesiæ. Bullas, et Chartas hujusmodi Abominationibus plenas in libro describebant, ut illas e pulpito, ubi expediret, in Ecclesia promulgarent. Hinc in disciplina Farfensi in vet. Discipl. Monast. pag. 111.
Ad expletionem Evangelii dicatur, Credo in unum Deum. Quo expleto ascendat Armarius in pulpitum et nuntiet plebi malitiam persecutorum. Dein procedat alius frater et legat Anathemata, vel maledicta tam novi, quam veteris Testamenti secundum utilitatem ac jussionem a Sede Apostolica acceptam, et a vicinis Episcopis probationem, etc
.
© École des chartes.