ABSCONSA, Glossarium mediae et infimae latinitatis, Du Cange et al.

« Absconsa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 031b. http://ducange.enc.sorbonne.fr/ABSCONSA

ABSCONSA, Cæca laterna, qua Monachi ut plurimum utuntur in obeundis dormitoriis. Liber Ordinis S. Victoris Parisiensis MS. cap. 36 :

Absconsam præparet cum candela, etc.

Adde cap. 41. Lanfrancus in Decretis pro Ord. S. Bened. cap. 1. sect. 1 :

Debet Prior cum Absconsa accensa per chorum ire, ac videre quam regulariter sedeant.

Occurrit pluries apud eundem pag. 259. 278. 280. 281 ; apud Udalricum in Consuetud. Cluniacens. pag. 32. 95. 130. 174. 213 ; in lib. Usuum Ordinis Cisterciensis cap. 20. 53. 68. 89. 93. 94. 100 ; in Vita S. Gregorii Episc. Armeni. n. 10 ; apud Gillebertum Lunicensem Episcopum de Usu Ecclesiastico, etc. Galli Monachi Esconses appellabant. MS. Corbeiense de Mensa Abbatis, de Thesaurario :

Debet enim prioribus, pueris Monachis portantibus laternam et Esconsecandelam, etc.

Est enim escondre, abscondere apud Guill. Guiart MS. :

Pierres, qui ne sont pas legieres,
Grosses sont celes des perieres.
Qui se vont en la ville escondre,
Et font les couvertures fondre.

◊ Consa et Sconsa, Eadem notione non semel. Consuetudines Floriacensis Cœnobii :

Unus vero de infantibus in Consa a Magistro suo præparata affert candelam accensam.

Vita S. Gosuini lib. 3 :

Sconsas.... numquam prior vel Abbas habuit, nisi illam quæ omnium communis fuit.

Vide Monasticum Anglic. tom. 3. pag. 171. 331.