ABSENTIELIS Ætas, Majoritas, ut vulgo dicitur, cum quis suæ tutelæ est, quasi quod abs se sit, id est, sibi relictus. Scacar. apud Cadom. ann. 1234. in Reg. S. Justi Cam. Comput. Paris. fol. 37. r°. col. 1 :

Nullus auditur de venditione consanguinei revocata post annum præteritum Absentielis ætatis : mota questione super revocatione ab uno de consanguineis, venditor et emptor venditionem rescindere non possunt.