1. ABSIDA, vel Apsida, Fornix, et Gr. άψίς, arcus, fornix, Papias : Absida est hemispherium. Gloss. Lat. MS. Reg : Emisperium Apsida. Honorius Augustod. lib. 1. de Imagine mundi cap. 77 : Absides, id est, circuli. Durandus in Ration. Exedra est Absida, sive volta. Ælfricus in Gloss. Saxon. Absida, sine ρ ealt cleofa vel portic, id est, rotunda concameratio, vel porticus. Gloss. Gr. Lat. ἁψις, forfex, arcus, fornix. Isidorus lib. 14. cap. 18 :

Utrum Absidam an Absidem dicere debeamus, hoc verbi genus ambiguum quidam Doctorum existimant.

S. Hieronymus lib. 2. in Epist. ad Ephes. :

In summo cœli fornice, et ut ipso verbo utar, Abside.

Senator. lib. 8. Epist. 33 :

Hic erumpit aquarum perspicua et dulcis ubertas, ubi in modum naturalis antri Absidis fabricata concavitas, sic perspicuos liquores emanat, ut vacuum putes lacum, quem non dubitas esse plenissimum.

Ordericus Vital. lib. 9. pag. 719 :

Multi autem abibunt, qui nunquam redibunt, donec ad proprias Absides astra redeant.

Perperam edit. obsides. Epistola Gunzonis ad Augienses Fratres, ann. 969. apud Marten. tom. 1. Ampliss. Collect. col. 310. D :

Vile putat in liberalibus studiis immorari ; planetarum Absidas, positionem, discursus per Zodiacum, circulorum inter se replicationem inquisitum ire nihili pendit.

Vide Alcuinum Poem. 3.