ABSOLUTIONIS, Glossarium mediae et infimae latinitatis, Du Cange et al.

« Absolutionis dies » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 034b. http://ducange.enc.sorbonne.fr/ABSOLUTIONIS

ABSOLUTIONIS DIES, apud Baldricum Noviom. lib. 3. cap. 74. in Vita Lietberti Episc. Camerac. cap. 54 ; apud Silvestrum Giraldum in Itinerar. Camb. lib. 2. cap. 11. vulgo le Jeudy Absolu, feria nempe quinta ante Pascha, qua Pœnitentes absolvi solebant. Joannes Episcop. Abrincensis de Offic. Eccles. pag. 41 :

Ipso die hora sexta populus ad Ecclesiam conveniat : si Episcopus fuerit, convocatio pœnitentium et Absolutio, chrismatis et olei consecratio, juxta Episcopalem ritum ordinetur ; ubi vero defuerit, imprimis tam Clerus, quam populus prostrati in terra cum lacrymis et gemitu Absolutionem criminum a majori Sacerdote accipiant.

Gillebertus Episcopus Lunicensis de Usu Ecclesiast. :

Absolvit Præsul populum de venialibus in Capite jejunii ; de criminalibus in Cœna Domini.

Vide observata a Menardo ad librum Sacramentorum Gregorii pag. 231. et seqq. ubi de absolutionis formulis. Adde V. Cl. Steph. Baluzium ad Reginonem pag. 654. et quæ observamus infra in voce Reconciliare.

P. Carpentier, 1766.

Absolutus dies Jovis, vulgo le Jeudi absolu, feria nempe quinta hebdomadis sanctæ. Bened. abbas Petroburg. de vita et gestis Henrici II. edit. Hearn. tom. 1. pag. 200. ad ann. 1177 :

Quod cum regi nuntiatum esset, in crastino summo mane diei Jovis Absoluti venit Cantuariam.