« »
 
ABSTINENTIA 1, ABSTINENTIA 2, ABSTINERE 1.
[]« 1 abstinentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 035b. http://ducange.enc.sorbonne.fr/ABSTINENTIA1
1. ABSTINENTIA, Ab armis cessatio, Gall. Suspension d'armes. Olim Abstinence, souffrance. Rymer. tom. 2. pag. 800 :
Prorogandi sufferentiam, seu Abstinentiam inter nos ex parte una etc.
Ibidem Gallice :
Avons accordé et accordons que la souffrance, ou l'Abstinence de guerre... soit éloignée.
P. Carpentier, 1766.
◊ Lit. remiss. ann. 1357. in Reg. 89. Chartoph. reg. ch. 51 :
Deinde cum eædem partes Abstinentias sive treugas inter se et amicos suos.... habuissent et dedissent certo tempore, etc.
Aliæ ann. 1408. ex Reg. 162. ch. 362 :
Durant les treves ou Abstinences et souffrances de guerres, etc.
© École des chartes.
[]« 2 abstinentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 035b. http://ducange.enc.sorbonne.fr/ABSTINENTIA2
2. ABSTINENTIA, Renunciatio, cessio. Gall. Renonciation. Stat. antiq. Florent. lib. 1. cap. 29. ex Cod. reg. 4621. fol. 57. v° :
Repudiatio vel Abstinentia hæreditatis vel successionis alicujus quomodolibet delata, a die repudiationis vel Abstinentiæ infra menses duos, si repudiatio vel Abstinentia[] facta fuerit in civitate, comitatu vel districtu Florentiæ, et infra quatuor menses, si alibi Abstinuerit vel repudiaverit, notificari debeat publice.
Vox nota Jurisconsultis.
Abstinere proprie dicuntur sui vel necessarii, hæredes ; ut extranei repudiare
, inquit Brissonius lib. 1. de verb. significat.
© École des chartes.
[]« 1 abstinere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 035c. http://ducange.enc.sorbonne.fr/ABSTINERE1
1. ABSTINERE, Activa significatione usurpavit Marcellus Empiricus cap. 29 :
Gallinam per totum diem a cibo Abstineto.
Cælius Aurelianus Siccencis lib. 5. Chron. cap. 10 :
Erit a cibo Abstinendus ægrotus.
Ita etiam non semel Plautus. Vide Forcell. Lex. Mart. Lib. 9. ep. 86 :
Non se, convivas Abstinet ille suos
.
◊ Janssonius in Auctario ad Glossas Isid. Abstinet, observat.
Abstinere aliquem communicatione, communione, idem est ac Excommunicare. Caldonius in Epistola, quæ est 39. inter Epistolas Cypriani :
Abstinuimus communicatione Felicissimum.
Mox :
Abstinuimus Sophroniam.
Avitus Vienn. Epist. 14 :
Proinde qua sit Abstinendus conditione, præcipite.
Usurpatur passim in Concilio Eliberitano, Toletano I. c. 4. 13. 15. Vasensi I. c. 7. apud S. Hilarium in Fragm. pag. 27. et Commodianum instruct. 61. etc.
Abstinentia, Eodem sensu apud Fulbertum Carnot. Epist. 83. de Presbytero lapso :
Ab Officio removendus est, et tandiu Abstinentia castigandus est, quousque relicto vitio, et per Dei gratiam superato, revocari videatur idoneus.
Abstentus, Excommunicatus, apud eundem Cyprianum Epist. 38. et 55. et lib. de Lapsis. In Concil. Tolet. I. can. 46. apud Guibertum lib. 3. de Vita sua cap. 5. etc.
les Bénédictins de St. Maur, 1733–1736.
Abstentus, Macro in Hierolex. intelligendus videtur de suspenso ab Ecclesiasticis functionibus ; quo sensu Abstinere usurpari contendunt non semel apud eumdem Cypr. atque etiam in Regulis Patrum cap. 5. § 2.
les Bénédictins de St. Maur, 1733–1736.
Abstentus, etiam dicitur apud Jurisperitos, at Latine magis, Pupillus qui tutoris auctoritate ab adeunda hæreditate revocatus est, ex eo nempe quod nimis illa sit in ære alieno. Dig. lib. 4. tit. 4. fr. 7. § 10 ; lib. 26. tit. 8. fr. 21 ; lib. 2. tit. 11. fr. 15 ; lib. 36. tit. 4. fr. 1. § 4.
Abstinentes, iidem videntur qui Continentes, vel qui jejunia observant et ab escis abstinent. S. Cyprianus, seu auctor de Singularitate Clericor. :
Quid per hypocrisin, vult ab hominibus Abstinens dici et in secreto carnibus et ebrietate distendi ?
Vita S. Tilonis Mon. n. 22 :
Quis tantorum Monachorum cuneos aspiciens, quis virile agmen concordiæ cernens non obstupescat, in quo nullus nocens, nulla detractionis susurratio, sed similitudo Abstinentium, et certamen officiorum ?
Vita S. Præfecti Mart. posterior num. 7 :
Dum cum hospitibus Abstinentibus convivaretur, et pisces omnimodis anxius non haberet, etc.
mox de iisdem :
Cum pœnitentibus residens ad mensam remansit.
Abstinentes, Hæretici in Hispania, Gallia, et Aquitania, separantes persuasionibus conjugia hominum, et escarum Abstinentiam promittentes, etc. Vide Philastrium de Hæresibus.
© École des chartes.