ACCOMMODARE 1, Glossarium mediae et infimae latinitatis, Du Cange et al.

« 1 accommodare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 048b. http://ducange.enc.sorbonne.fr/ACCOMMODARE1

1. ACCOMMODARE, pro Commodare apud Greg. Mag. lib. 7. Epist. 44. 60. Item in Charta Roberti Waudi asservata in Monast. B. M. de Bono Nuntio Rothomag. :

Et faciet mihi Accommodationem de 20. sol. nec Accommodabit amplius (dum) eos illi debebo.

P. Carpentier, 1766.

◊ Quod et de servis, qui in alienum servitium commodabantur dictum reperimus. Charta ann. 1207. in Chartul. Campan. ex Bibl. reg. Cod. 5993. fol. 25. r° :

Rlancha illustris Campaniæ comitissa domui Dei beati Stephani Herbertum de Horridomonte Accommodavit, quamdiu ipsa voluerit, liberum et quietum ab omni tallia et exactione.

Charta Guiardi archidiac. Trec. ann. 1215. ibid. fol. 27. r° :

Blancha illustris comitissa Trecensis ad multas preces, quas ei fecimus, nobis Accommodavit Stephanum cutellarium et Mariam uxorem ejus, homines suos, ad serviendum nobis, quamdiu vixerimus ad expensas eorum, tali modo, quod... post decessum nostrum, ad dominam comitissam et ad heredes suos, tanquam homines eorum de corpore, sine contradictione aliqua revertentur.

P. Carpentier, 1766.

Acomodare, Eadem notione. Statuta Arelat. Mss. art. 70 :

Consules Arelatis... non possint Acomodare cohopertas, nec balistas, nec alia arma communis, nisi tempore guerræ.

P. Carpentier, 1766.

Acomodator, Qui commodat, in Consuet. Mss. villæ de Buzet ann. 1273. art. 24 :

Locator vel Acomodator, etc.