ACCORDIUM, Eadem notione. Bartholomæi Scribæ Annales Genuenses lib. 6. ad ann. 1241. apud Murator. tom. 6. col. 489. C :

Et inimici qui hostiliter intraverant terram nostram, exultantes castra et loca nostra plus solito invaserunt ; et castrum Gavilioni non per pugnam, sed ex Accordio eorum, qui intus erant, ceperunt, et ipsum continuo destruxerunt.

Arrest. Consilii Delphinalis ann. 1452. apud Salvaing. de usu feud. pag. 50 :

Quo vero ad castra, loca et mandamenta virtute Accordii inter Regem tunc Delphinum et D. Ludovicum de Pictavia.... non intendentes per hæc juribus.... virtute Accordii prædicti competentibus in aliquo derogare.

Occurrit præterea in libello supplici Episcopi Bellicensis ad Sabaudiæ Ducem ann. 1454. apud Guichenon. de Episcopis Bellic. pag. 75. Nomine Accordii et Transactionis, in Instrumento anni 1494. ex Archivo S. Victoris Massil.